തിരുവല്ല: കല്യാണ തട്ടിപ്പിന് ശ്രമിച്ച് സിപിഎം നേതാവ്. ലോക്കല്‍ സെക്രട്ടറി ചമഞ്ഞ് കല്യാണം നടത്താന്‍ സിപിഎം തിരുവല്ല ഏരിയകമ്മിറ്റിയംഗം കൊച്ചു പ്രകാശ് ബാബു എന്ന് വിളിക്കുന്ന പ്രകാശ് ബാബു വാണ് രംഗത്ത് വന്നത്.
ലോക്കല്‍ കമ്മിറ്റി സെക്രട്ടറിയുടെ പേരില്‍ ആള്‍മാറാട്ടം നടത്തി ഗുണ്ടാ നേതാവിന്റെ വിവാഹ ആലോചനയ്‌ക്ക് വേണ്ടിയാണ് ഇയാള്‍ ഇടനില നിന്നതെന്നാണ് വിവരം. സംഭവം പ
ുറത്തായതോടെ വെട്ടിലായ സിപിഎം നേതൃത്വം മുഖം രക്ഷിക്കാന്‍ വിഷയത്തില്‍ അന്വേഷണം നടത്താന്‍ അന്വേഷണ കമ്മിഷനെ നിയോഗിച്ചിരിക്കുകയാണ്. പോക്‌സോ കേസ് അടക്കം ഒട്ടനവധി ക്രിമിനല്‍ കേസുകളില്‍ പ്രതിയായ വൈക്കത്തില്ലം സ്വദേശിയായ യുവാവിന്റെ വിവാഹത്തിനാണ് നെടുമ്പ്രം ലോക്കല്‍ സെക്രട്ടറിയായ വിനയചന്ദ്രന്റെ പേരില്‍ പ്രകാശ് ബാബു ആള്‍മാറാട്ടം അന്വേഷണ കമ്മിഷനെ നിയാഗിച്ച് സിപിഎം.
പ്രകാശ് ബാബു ജോലി വാഗ്ദാനം ചെയ്ത് പണം തട്ടിയെന്നും ആരോപണം നടത്തിയത്. ഈ മാസം എട്ടാം തീയതി അമ്പലപ്പുഴ സ്വദേശി നിയുമായി യുവാവിന്റെ വിവാഹം തീരുമാനിച്ചിരുന്നു. ഇതിനിടെ പെണ്‍കുട്ടിയുടെ വീട്ടുകാര്‍ തിരുവല്ല സ്വദേശിയായ ഒരു ബന്ധു വഴി യുവാവിന്റെ ക്രിമിനല്‍ പശ്ചാത്തലം മനസ്സിലാക്കി.
തുടര്‍ന്ന് വിവാഹത്തില്‍ നിന്ന് പിന്മാറി. എന്നാല്‍ പ്രകാശ് ബാബു, വിനയചന്ദ്രന്‍ എന്ന പേരില്‍ പെണ്‍കുട്ടിയുടെ വീട്ടിലെത്തി യുവാവിനെ സംബന്ധിച്ച് നിങ്ങള്‍ക്ക് ലഭിച്ച വിവരം തെറ്റാണെന്നും വ്യക്തി വൈരാഗ്യം മൂലം ആരോ തെറ്റിദ്ധരിപ്പിച്ചതാണെന്നും ബന്ധുക്കളോട്
പറഞ്ഞു.
തന്റെ പേരില്‍ മറ്റാരോ പെണ്‍കുട്ടിയുടെ വീട്ടിലെത്തിയ വിവരമറിഞ്ഞ വിനയചന്ദ്രന്‍ ഏരിയ കമ്മിറ്റിക്ക് പരാതി നല്കി. തുടര്‍ന്ന് ഏരിയ സെക്രട്ടറി ഫ്രാന്‍സിസ് വി.ആന്റണി വിനയ ചന്ദ്രനെയും കൂട്ടി നേരിട്ട് പെണ്‍കുട്ടിയുടെ വീട്ടിലെത്തി നടത്തിയ അന്വേഷണത്തിലാണ് ആള്‍മാറാട്ടം പുറത്തായത്. തുടര്‍ന്നാണ് പ്രകാശ് ബാബുവിനെതിരെ സിപിഎം ഏരിയ കമ്മിറ്റി ഏകാംഗ അന്വേഷണ കമ്മിഷനെ നിയോഗിച്ചത്.
ദേവസ്വം ബോര്‍ഡില്‍ ജോലി വാഗ്ദാനം ചെയ്ത് കിഴക്കന്‍ മുറി സ്വദേശിയില്‍ നിന്നും പണം തട്ടിയെന്ന പരാതിയില്‍ നിലവില്‍ പാര്‍ട്ടി അന്വേഷണം നേരിടുന്ന ആളാണ് പ്രകാശ് ബാബു.
