തിരുവല്ല: തിരുവല്ല ക്രൈസ്റ്റ് സെന്ട്രല് സ്കൂള് ഫ്ലഡ്ലൈറ്റ് കോര്ട്ടില് നടക്കുന്ന 11ാമത് ഓള് കേരള ഇന്റര് സ്കൂള് ബാസ്കറ്റ്ബോള് ടൂര്ണമെന്റിലെ (റെവ. ഫാ. കുര്യന് മുളരവീശരലരില് സി.എം.ഐ മെമ്മോറിയല് ക്രൈസ്റ്റ് ചലഞ്ച് ട്രോഫി) ഫൈനല് പോരാട്ടങ്ങള്ക്ക് വേദിയൊരുങ്ങി. തിങ്കളാഴ്ച രാവിലെ 7:00 മണിക്ക് ഫൈനല് മത്സരങ്ങള് ആരംഭിക്കും.
തിരുവല്ല മുനിസിപ്പല് ചെയര്പേഴ്സണ് ലേഖ എസ്. ചടങ്ങില് മുഖ്യാതിഥിയായി പങ്കെടുക്കും. ആവേശം നിറഞ്ഞ പെണ്കുട്ടികളുടെ ആദ്യ സെമിഫൈനലില് ശക്തരായ കോഴിക്കോട് പ്രൊവിഡന്സ് എച്ച്.എസ്.എസ് ഫൈനലില് പ്രവേശിച്ചു. പത്തനാപുരം മൗണ്ട് ടാബോര് എച്ച്.എസ്.എസിനെ 5541 എന്ന സ്കോറിനാണ് അവര് പരാജയപ്പെടുത്തിയത്. പ്രൊവിഡന്സിനായി അക്ഷര കെ 13 പോയിന്റും, ശ്വേതിക ഭാവേഷ് 10 പോയിന്റും നേടി തിളങ്ങിയപ്പോള്, പത്തനാപുരത്തിനായി ബ്രിസ ബിനു 11 പോയിന്റ് നേടി പൊരുതി. രണ്ടാമത്തെ സെമിഫൈനലില് കോഴിക്കോട് സില്വര് ഹില് എച്ച്.എസ്.എസും കോട്ടയം മൗണ്ട് കാര്മല് എച്ച്.എസ്.എസും തമ്മില് ഏറ്റുമുട്ടുന്നതിലെ വിജയികളെയാവും പ്രൊവിഡന്സ് ഫൈനലില് നേരിടുക. കിഡ്സ് ബോയ്സ് വിഭാഗത്തില് രണ്ട് ആവേശകരമായ സെമിഫൈനല് മത്സരങ്ങള്ക്ക് ശേഷമാകും ഫൈനല് ലൈനപ്പ് നിശ്ചയിക്കപ്പെടുക. മാന്നാനം സെന്റ് എഫ്രേംസ് എച്ച്.എസ്.എസും മലപ്പുറം ഗവണ്മെന്റ് ഹയര് സെക്കന്ഡറി സ്കൂളും തമ്മിലുള്ള മത്സരത്തിലെ വിജയികള്, പത്തനാപുരം സെന്റ് സ്റ്റീഫന്സ് എച്ച്.എസ്.എസും കോഴിക്കോട് സില്വര് ഹില് എച്ച്.എസ്.എസും തമ്മിലുള്ള മത്സരത്തിലെ വിജയികളുമായി ഫൈനലില് ഏറ്റുമുട്ടും.
