ന്യൂഡല്ഹി : അടുത്ത് വരുന്ന ലോക്സഭാ തെരഞ്ഞെടുപ്പില് കോണ്ഗ്രസിന് 40 സീറ്റെങ്കിലും കിട്ടുമോയെന്ന് സംശയമാണെന്ന് പശ്ചിമ ബംഗാള് മുഖ്യമന്ത്രി മമത ബാനര്ജി. സംസ്ഥാനത്ത് രണ്ട് ലോക്സഭാ സീറ്റ് നല്കാമെന്ന വാഗ്ദാനം കോണ്ഗ്രസ് അംഗീകരിച്ചില്ലെന്നും മമത പറഞ്ഞു.
പശ്ചിമ ബംഗാളില് കോണ്ഗ്രസ് -സിപിഎം ധാരണയുണ്ടാകുമെന്ന് വ്യക്തമായ സാഹചര്യത്തിലാണ് മമതയുടെ വിമര്ശനം.കോണ്ഗ്രസുകാര്ക്ക് ധൈര്യമുണ്ടെങ്കില് യുപിയിലും മധ്യപ്രദേശിലും രാജസ്ഥാനിലും ബിജെപിയെ നേരിട്ട് തോല്പ്പിക്കണം
ഭാരത് ജോഡോ ന്യായ് യാത്ര പശ്ചിമബംഗാളില് എത്തിയിട്ട് പോലും ഐ എന് ഡി ഐ എ സഖ്യത്തിലുള്ള തന്നെ അറിയിച്ചില്ലെന്നും മമത കുറ്റപ്പെടുത്തി.
ബംഗാളില് ഒറ്റയ്ക്ക് മത്സരിക്കുമെന്ന് മമത നേരത്തെ പ്രഖ്യാപിച്ചിരുന്നു.
