ദുബായ്: മുപ്പത്തിമൂന്നാമത് അബുദാബി ഡെസേർട് ചാലഞ്ച് ഫെബ്രുവരി 25-ന് അൽ ദഫ്റയിൽ ആരംഭിക്കും. അബുദാബി മീഡിയ ഓഫീസാണ് ഇക്കാര്യം അറിയിച്ചത്
ഫെബ്രുവരി 25 മുതൽ മാർച്ച് 2 വരെയാണ് അൽ ദഫ്റ മേഖലയിൽ മുപ്പത്തിമൂന്നാമത് അബുദാബി ഡെസേർട് ചാലഞ്ച് നടക്കുന്നത്. വേൾഡ് റാലി – റൈഡ് ചാമ്പ്യൻഷിപ്പിന്റെ രണ്ടാം റൗണ്ടിന്റെ ഭാഗമായി നടക്കുന്ന അബുദാബി ഡെസേർട് ചാലഞ്ചിൽ അന്താരാഷ്ട്ര തലത്തിൽ പ്രശസ്തരായ ഡ്രൈവർമാരും, റൈഡർമാരും പങ്കെടുക്കും.
വാഹന പ്രേമികളെ പ്രത്യേകിച്ച് ഓഫ് റോഡ് റാലികളെ ഇഷ്ടപ്പെടുന്നവർക്ക് ഇത് ഒരു സുവർണാവസരമാകുമെന്ന് സംഘാടകർ പറഞ്ഞു. കഴിഞ്ഞ മുപ്പത്തിരണ്ട് വർഷമായി മുടങ്ങാതെ ഈ ഡെസേർട് ചാലഞ്ച് നടത്താൻ സാധിക്കുന്നത് വാഹന പ്രേമികളുടെ പിന്തുണ കൊണ്ടാണെന്നും സംഘാടകർ കൂട്ടിച്ചേർത്തു.
പ്രതികരിക്കാൻ ഇവിടെ എഴുതുക: