അയോധ്യ സാധ്യമാക്കാന്‍ ദൈവം മോദിയെ അനുഗ്രഹിച്ചെന്ന് ഇളയരാജ; പ്രാണപ്രതിഷ്ഠയെയും മോദിയെയും ശ്ളാഘിക്കുന്ന ഇളയരാജയുടെ പ്രസംഗം വൈറല്‍

ചെന്നൈ: “ഈ ഭാഗ്യം ആര്‍ക്കാണ് കിട്ടുക? ആര്‍ക്കാണ് ഇത് സാധ്യമാക്കാന്‍ കഴിയുക? എല്ലാവര്‍ക്കും ഇതുപോലൊന്ന് നടത്താന്‍ കഴിയുമോ? ദൈവം മോദിയെ അത് സാധ്യമാക്കാന്‍ അനുഗ്രഹിച്ചു”- സംഗീതസംവിധായകന്‍ ഇളയരാജ അയോധ്യയില്‍ പ്രാണപ്രതിഷ്ഠ സാധ്യമാക്കിയ മോദിയെ അഭിനന്ദിച്ച് പറഞ്ഞ വാക്കുകള്‍ വൈറലാവുകയാണ്.

Bhagwan Shri Ram temple in Ayodhya brings to an end the 500-year longing of the masses & was realisable by our Hon PM Thiru @narendramodi avl.

Isaignani Thiru @ilaiyaraaja avl has not only acknowledged the supremacy of Bhagwan Shri Ram but also the unrelenting effort of our… pic.twitter.com/0DAlq1Kuuw

— K.Annamalai (@annamalai_k) January 22, 2024

ബിജെപി നേതാവ് കെ.അണ്ണാമലൈ പങ്കുവെച്ച മോദിയെയും അയോധ്യയിലെ പ്രാണപ്രതിഷ്ഠയെയും പുകഴ്‌ത്തുന്ന ഇളയരാജയുടെ ഈ പ്രസംഗത്തിന്റെ ഈ വീഡിയോ കണ്ടത് 3.75 ലക്ഷം പേരാണ്.

എത്ര പ്രധാനമന്ത്രിമാര്‍ ഇന്ത്യയില്‍ വന്നുപോയി. ആരൊക്കെ വന്നുപോയാലും ഇന്ത്യയ്‌ക്ക് വേണ്ടി മോദി ചെയ്ത കാര്യങ്ങളുടെ കണക്കുകള്‍ നോക്കൂ. മോദി ഇന്ത്യയ്‌ക്ക് വേണ്ടി ചെയ്ത കാര്യങ്ങള്‍ നോക്കുമ്പോള്‍ എനിക്ക് കണ്ണീര്‍ വരും. – ഇളയരാജ പറഞ്ഞു.

ഇത് ഭാരതത്തില്‍ തന്നെ, ലോകത്തില്‍ തന്നെ ആദ്യമായി നടക്കുന്ന പരിപാടി എന്നാണ് ഇളയരാജ അയോധ്യ പ്രാണപ്രതിഷ്ഠയെ വിശേഷിപ്പിച്ചത്. അയോധ്യ പ്രാണപ്രതിഷ്ട എന്നത് തമിഴ്നാട്ടിലല്ല നടന്നത്. , വടക്കേയിന്ത്യയിലുമല്ല. ഇന്ത്യയൊട്ടാകെ, ലോകമൊട്ടാകെ നടക്കുന്ന ഒരേയൊരു സംഭവമാണിത്. ഇത് നടത്തിയതിന് മോദിയ്‌ക്ക് തീര്‍ച്ചയായും അംഗീകാരം നല്‍കിയേ മതിയാവൂ.- ഇളയരാജ പറഞ്ഞു.