തിരുവനന്തപുരം: സംസ്ഥാനത്തെ 23 തദ്ദേശ സ്വയംഭരണ വാര്ഡുകളില് ഫെബ്രുവരി 22 ന് ഉപതെരഞ്ഞെടുപ്പ് നടത്തുമെന്ന് സംസ്ഥാന തെരഞ്ഞെടുപ്പ് കമ്മിഷണര് എ. ഷാജഹാന് അറിയിച്ചു. വിജ്ഞാപനം തിങ്കളാഴ്ച പുറപ്പെടുവിക്കും. നാമനിര്ദ്ദേശപത്രിക ഫെബ്രുവരി അഞ്ച് വരെ സമര്പ്പിക്കാം. സൂക്ഷ്മ പരിശോധന ഫെബ്രുവരി ആറിന് വിവിധ കേന്ദ്രങ്ങളില് നടത്തും. പത്രിക ഫെബ്രുവരി എട്ട് വരെ പിന്വലിക്കാം. വോട്ടെണ്ണല് ഫെബ്രുവരി 23ന് രാവിലെ 10 മണിക്ക് നടത്തും. മാതൃകാ പെരുമാറ്റച്ചട്ടം നിലവില് വന്നു.
ഉപതെരഞ്ഞെടുപ്പുള്ള ഗ്രാമപഞ്ചായത്തുകളില് മുഴുവന് വാര്ഡുകളിലും, കോര്പ്പറേഷന്, മുനിസിപ്പാലിറ്റികളില് അതത് വാര്ഡുകളിലുമാണ് പെരുമാറ്റച്ചട്ടം ബാധകം. ഒരു കോര്പറേഷന് വാര്ഡിലും നാല് മുനിസിപ്പാലിറ്റി വാര്ഡുകളിലും 18 ഗ്രാമപഞ്ചായത്ത് വാര്ഡുകളിലുമാണ് ഉപതെരഞ്ഞെടുപ്പ് നടത്തുന്നത്.
ജില്ല, തദ്ദേശസ്ഥാപനം, പേരും ക്രമത്തില്:
തിരുവനന്തപുരം മുനിസിപ്പല് കോര്പറേഷനിലെ വെള്ളാര്, ഒറ്റശേഖരമംഗലം ഗ്രാമപഞ്ചായത്തിലെ കുന്നനാട്, പൂവച്ചല് ഗ്രാമപഞ്ചായത്തിലെ കോവില്വിള, പഴയകുന്നുമ്മേല് ഗ്രാമപഞ്ചായത്തിലെ അടയമണ്, കൊല്ലം ചടയമംഗലം ഗ്രാമപഞ്ചായത്തിലെ കുരിയോട്. പത്തനംതിട്ട നാരങ്ങാനം ഗ്രാമപഞ്ചായത്തിലെ കടമ്മനിട്ട, ആലപ്പുഴ വെളിയനാട് ഗ്രാമപഞ്ചായത്തിലെ കിടങ്ങറ ബസാര് തെക്ക്, ഇടുക്കി മൂന്നാര് ഗ്രാമപഞ്ചായത്തിലെ മൂലക്കട, നടയാര് വാര്ഡുകള്, എറണാകുളം എടവനക്കാട് ഗ്രാമപഞ്ചായത്തിലെ നേതാജി, നെടുമ്പാശ്ശേരി ഗ്രാമപഞ്ചായത്തിലെ കല്പ്പക നഗര്, തൃശ്ശൂര് മുല്ലശ്ശേരി ഗ്രാമപഞ്ചായത്തിലെ പതിയാര്കുളങ്ങര, പാലക്കാട് ചിറ്റൂര് തത്തമംഗലം മുനിസിപ്പല് കൗണ്സിലിലെ മുതുകാട്, പൂക്കോട്ടുകാവ് ഗ്രാമപഞ്ചായത്തിലെ പൂക്കോട്ടുകാവ് നോര്ത്ത്, എരുത്തേമ്പതി ഗ്രാമപഞ്ചായത്തിലെ പിടാരിമേട്, തിരുവേഗപ്പുറ ഗ്രാമപഞ്ചായത്തിലെ നരിപ്പറമ്പ്, മലപ്പുറം കോട്ടക്കല് മുനിസിപ്പല് കൗണ്സിലിലെ ചുണ്ട, കോട്ടക്കല് മുനിസിപ്പല് കൗണ്സിലിലെ ഈസ്റ്റ് വില്ലൂര്, മക്കരപ്പറമ്പ് ഗ്രാമപഞ്ചായത്തിലെ കാച്ചിനിക്കാട് കിഴക്ക,് കണ്ണൂര് മുഴപ്പിലങ്ങാട് ഗ്രാമപഞ്ചായത്തിലെ മമ്മാക്കുന്ന്, രാമന്തളി ഗ്രാമപഞ്ചായത്തിലെ പാലക്കോട് സെന്ട്രല്, മട്ടന്നൂര് മുനിസിപ്പല് കൗണ്സിലിലെ ടൗണ്, മാടായി ഗ്രാമപഞ്ചായത്തിലെ മുട്ടം ഇട്ടപ്പുറം വാര്ഡ്.
