അയോധ്യ : അയോധ്യയിലെ ക്ഷേത്രം ശുചീകരിച്ച് പ്രശസ്ത ബോളിവുഡ് നടി കങ്കണ റാവത്ത്. പ്രാണപ്രതിഷ്ഠ ചടങ്ങിൽ പങ്കെടുക്കാനായി അയോധ്യയിൽ എത്തിയ കങ്കണ ക്ഷേത്രത്തിന്റെ ഇടനാഴികൾ സ്വയമേ ശുചീകരിച്ചു. അയോധ്യയിലെ ഹനുമാൻ ഗർഹി ക്ഷേത്രമാണ് നടി ശുചീകരിച്ചത്.
അയോധ്യയിലെത്തിയ കങ്കണ ഗുരു രാമഭദ്രാചാര്യയെ സന്ദർശിക്കുകയും അദ്ദേഹത്തിന്റെ അനുഗ്രഹം നേടുകയും ചെയ്ത. ‘ ഇന്നെനിക്ക് രാമഭദ്രാചാര്യജിയുടെ അനുഗ്രഹം നേടാനായി ഒപ്പം ഭഗവാൻ ഹനുമാന്റെ പേരിലുള്ള പൂജയിലും പങ്കെടുക്കാനായി. നാളെ അയോധ്യയിലെ രാജാവ് ദീർഘ നാൾക്ക് ശേഷം വീട്ടിലേക്ക് തിരിച്ചു വരികെയാണ്, വന്നാലും എന്റെ രാമാ ‘ കങ്കണ ട്വിറ്ററിൽ കുറിച്ചു.
നാളത്തെ പ്രാണപ്രതിഷ്ഠ ചടങ്ങിൽ പങ്കെടുക്കാൻ അമിതാബ് ബച്ചനടക്കം നിരവധി ബോളിവുഡ് താരങ്ങളാണ് അയോധ്യയിലേക്ക് യാത്ര തിരിച്ചത്. തെന്നിന്ത്യൻ സൂപ്പർ സ്റ്റാർ രജനികാന്ത് മരുമകനും നടനുമായ ധനുഷും യാത്ര തിരിച്ചത് ഏറെ വാർത്തയായിരുന്നു.
