തിരുവനന്തപുരം: ചിത്രയുടെ വാക്കുകള്‍ ഏറ്റെടുക്കേണ്ടത് നമ്മുടെ ധര്‍മമാണെന്ന് തപസ്യകലാസാഹിത്യവേദി മുന്‍ സംസ്ഥാന അധ്യക്ഷന്‍ കവി പി.നാരായണക്കുറുപ്പ് പ്രസ്താവനയില്‍ പറഞ്ഞു.
അസഹിഷ്ണുത ആസുരിക ശക്തികളുടെ മുഖമുദ്രയാണ്. രാമനാമം, രാജ്യത്തെ ജനഹൃദയങ്ങളെ ഒന്നിപ്പിക്കുന്ന ഈ ചരിത്രമുഹൂര്‍ത്തത്തില്‍ എതിര്‍പ്പകള്‍ ഉയരുന്നത് സ്വാഭാവികം. രാമനാമ മന്ത്രധ്വനികളില്‍ തമസിന്റെ ശക്തികള്‍ ദുര്‍ബലപ്പെടുന്നത് ഉള്‍കാഴ്ചയുള്ള ആര്‍ക്കും കാണാവുന്നതാണ്.
ചിത്രയുടെ സൗമ്യമായ വാക്കുകള്‍ ഏറ്റെടുക്കേണ്ടത് നമ്മുടെ ധര്‍മമാണ്. വിവേകാനന്ദനും മഹര്‍ഷി അരവിന്ദനും മുന്‍കൂട്ടിക്കണ്ട ഭാരത ചരിത്രത്തിന്റെ ഒരു വഴിത്തിരിവാണ് വരും ദിനങ്ങള്‍. പ്രതിഷ്ഠാദിനത്തില്‍ നമുക്കേവര്‍ക്കും വിളക്കുകള്‍ തെളിയിക്കാമെന്നും അദ്ദേഹം പറഞ്ഞു.
