അയോധ്യയിലെ പ്രാണപ്രതിഷ്ഠയോടു അനുബന്ധിച്ച് ലോകമെമ്പാടുമുള്ള ഹൈന്ദവ സമൂഹം ആഘോഷങ്ങള്‍ സംഘടിപ്പിക്കുകയാണ്. അത്തരത്തിലുള്ള ഒരു വ്യത്യസ്തമായ സന്തോഷപ്രകടനമാണ് കഴിഞ്ഞ ദിവസം അമേരിക്കയില്‍ കാണാന്‍ സാധിച്ചത്.
VIDEO | More than 200 Indian American Tesla car owners on Saturday held a unique musical show in a Maryland suburb of Washington DC to commemorate Ram Mandir Pran Pratishtha ceremony, which will be held in Ayodhya on January 22. pic.twitter.com/czokKpwLUO
— Press Trust of India (@PTI_News) January 14, 2024
21 സിറ്റികളില്‍ കാര്‍ റാലി സംഘടിപ്പിച്ച ശേഷം വാഷിംഗ്ടണ്‍ ഡിസിയില്‍ ഒത്തുകൂടിയാണ് വ്യത്യസ്തമായൊരു ആദരവ് പ്രകടിപ്പിച്ചത്. ടെസ്ല കാര്‍ ഉടമകളായ 200 ലധികം രാമഭക്തര്‍ ഫ്രെഡെറിക്ക് സിറ്റിയിലെ ശ്രീഭക്ത ആഞ്ജനേയ ക്ഷേത്രത്തിന് മുന്നില്‍ ഒത്തുകൂടിയാണ് ശനിയാഴ്ച രാത്രി ടെസ്ല സംഗീത നിശ സംഘടിപ്പിച്ചത്.
പ്രശസ്തമായ ഭജനകള്‍ കാറിന്റെ സ്പീക്കറില്‍ പ്ലേ ചെയ്ത ശേഷം കാറിന്റെ ഹെഡ് ലൈറ്റുകളും മറ്റ് ലൈറ്റുകളും ഭജനനുസരിച്ച് തെളിച്ചാണ് അവര്‍ ആദരവ് പ്രകടമാക്കിയത്. 200ലേറെ ഭക്തരാണ് പരിപാടിയില്‍ രജിസ്റ്റര്‍ ചെയ്തത്. ഇതിന്റെ ഡ്രോണ്‍ വീഡിയോ സംഘാടകര്‍ പുറത്തുവിട്ടിട്ടുണ്ട്.
