ചെന്നൈ:കഴിഞ്ഞ ദിവസം അന്തരിച്ച നടന്‍ വിജയകുമാറിന് ആദരാഞ്ജലി അര്‍പ്പിച്ച് മടങ്ങവെ നടന്‍ ദളപതി വിജയ്ക്ക് നേരെ ചെരുപ്പേറ്.
അന്തിമോപചാരം അര്‍പ്പിച്ച ശേഷം വാഹനത്തില്‍ കയറാന്‍ പോകവെയാണ് സംഭവം. ആള്‍ക്കൂട്ടത്തില്‍ നിന്ന് ആരോ താരത്തിന് നേരെ ചെരുപ്പ് എറിയുകയായിരുന്നു. വിജയുടെ തലയുടെ പിന്നില്‍ കൂടി ചെരുപ്പ് പോകുന്നത് വിഡിയോയില്‍ ദൃശ്യമാണ്.
സംഭവത്തിന്റെ വീഡിയോ സമൂഹമാധ്യമങ്ങളില്‍ വൈറലായി. ആരാണ് ചെരിപ്പെറിഞ്ഞതെന്ന കാര്യത്തില്‍ വ്യക്തതയില്ല. ചെന്നൈ ഡിഎംഡികെ ആസ്ഥാനത്ത് ആയിരുന്നു വിജയകാന്തിന്റെ ഭൗതിക ശരീരം പൊതുദര്‍ശനത്തിന് വച്ചത്. നിരവധി പേരാണ് പ്രിയ ക്യാപ്റ്റനെ അവസാനമായി ഒരുനോക്ക് കാണാനായി എത്തുന്നത്. വൈകിട്ട് 4.45നാണ് സംസ്‌കാരം.
വിഡിയോ വൈറല്‍ ആയതിന് പിന്നാലെ നിരവധി പേരാണ് സംഭവത്തെ വിമര്‍ശിച്ച് രംഗത്ത് വന്നത്.സംഭവത്തിന് പിന്നില്‍ ആരായാലും അവര്‍ക്കെതിരെ നടപടി എടുക്കണമെന്നാണ് ആരാധകരുടെ ആവശ്യം.
