കോട്ടയം : കോട്ടയം കാണക്കാരയില് പാറക്കുളത്തില് മുങ്ങിയ കാറിനുള്ളില് നിന്നും മൃതദേഹം കണ്ടെത്തി. കൊണ്ടുക്കാല സ്വദേശി ലിജീഷാണ് മരിച്ചത്. വെള്ളിയാഴ്ച രാവിലെ പാറക്കുളത്തില് കാര് കണ്ടത്തിയ പ്രദേശവാസികള് അധികൃതരെ വിവരം അറിയിക്കുകയായിരുന്നു.
കാറിന്റെ ഒരു ഭാഗം വെള്ളത്തില് ഉയര്ന്നു നില്ക്കുന്ന നിലയില് ആയിരുന്നു. നിയന്ത്രണംവിട്ട കാര് കുളത്തിലേക്ക് പതിച്ചതാകാമെന്നണ് നിഗമനം. കോട്ടയം മെഡിക്കല് കോളേജിന് അടുത്തായി ലിജീഷ് കട നടത്തി വരികയായിരുന്നു. വ്യാഴാഴ്ച രാത്രി കടയടച്ച് വരുന്നതിനിടെ അപകടത്തില്പ്പെട്ടതാകുമെന്നാണ് നിഗമനം. കാര് തെന്നി കുളത്തിലേക്ക് മറിഞ്ഞതിന്റെ പാടുകള് പ്രദേശത്തു നിന്നും പോലീസ് കണ്ടെത്തിയിട്ടുണ്ട്.
ക്രെയിനിന്റെ സഹായത്തോടെ പോലീസ് വാഹനം പുറത്തെത്തിച്ചശേഷം നടത്തിയ പരിശോധനയിലാണ് കാറിനുള്ളില് നിന്ന് മൃതദേഹം കണ്ടെത്തിയത്. ലിജീഷിന്റെ മൃതദേഹം പോസ്റ്റുമോര്ട്ടത്തിനായി മെഡിക്കല് കോളേജിലേക്ക് മാറ്റി. അതേസമയം ലിജീഷിന്റേത് അപകട മരണം തന്നെയാണോ, അല്ലെങ്കില് ആരെങ്കിലും അപായപ്പെടുത്തിയതാണോ എന്നത് സംബന്ധിച്ചും പോലീസ് അന്വേഷണം നടത്തും.
