ആലപ്പുഴ: അനധികൃത മദ്യക്കച്ചവടത്തിന് വേണ്ടി സൂക്ഷിച്ചിരുന്ന 10 ലിറ്റർൃ ഇന്ത്യൻ നിർമ്മിത വിദേശ മദ്യവുമായി യുവാവ് അറസ്റ്റിൽ. വള്ളികുന്നം സ്വദേശി ഷജീറാണ് പിടിയിലായത്. ജവാൻ ഷജീർ എന്നറിയപ്പെടുന്ന ഇയാളെ മദ്യം കടത്തിക്കൊണ്ടു പോകാൻ ശ്രമിക്കവെ എക്സൈസ് പിടികൂടുകയായിരുന്നു. ഇയാൾ സഞ്ചരിച്ച സ്‌കൂട്ടറും എക്സൈസ് കസ്റ്റഡിയിലെടുത്തിട്ടുണ്ട്.
മുമ്പും സമാന രീതിയിൽ അനധികൃത മദ്യക്കച്ചവടവുമായി ബന്ധപ്പെട്ട് ഇയാളെ പിടികൂടിയിട്ടുണ്ട്. നൂറനാട് എക്സൈസ് റേഞ്ച് ഓഫീസിലെ പ്രിവന്റീവ് ഓഫീസർ ബി.സുനിൽകുമാറിന്റെ നേതൃത്വത്തിലുള്ള സംഘമാണ് ഷജീറിനെ അറസ്റ്റ് ചെയ്തത്. പരിശോധന സംഘത്തിൽ സിവിൽ എക്സൈസ് ഓഫീസർമാരായ അരുൺ, പ്രകാശ്, അനു, പ്രവീൺ എന്നിവരും ഉണ്ടായിരുന്നു.
പ്രതികരിക്കാൻ ഇവിടെ എഴുതുക: