ന്യൂദല്ഹി: അടി മുതല് മുടി വരെ നുണയുടെ ഗോഡൗണാണ് മഹുവ മൊയ്ത്രയെന്ന് ബിജെപി വക്താവ് കൂടിയായ സഞ്ജു വര്മ്മ. ജെപി മോര്ഗനില് ഇന്വെസ്റ്റ് ബാങ്കറായിരുന്നു എന്നാണ് പൊങ്ങച്ചം. “പക്ഷെ അവര്ക്ക് ജെപി മോര്ഗനില് ഒരു സാധാരണ ജോലി മാത്രമായിരുന്നു. അതും മാര്ക്കറ്റിങ്ങുമായി ബന്ധപ്പെട്ട്, ഞാന് ജെപി മോര്ഗനില് അസിസ്റ്റന്റ് ഡയറക്ടറായിരുന്നു.”- ബിജെപി വക്താവ് കൂടിയായ സഞ്ജു വര്മ്മ പറഞ്ഞു.
“അദാനിയ്ക്കെതിരെയാണ് മഹുവ സമരം ചെയ്യുന്നത്. പക്ഷെ ബംഗാളില് 25,000 കോടിയുടെ താജ് പൂര് പോര്ട്ട് അദാനിയുടെ മകന് കരണ് അദാനിയ്ക്ക് 2022ല് കൈമാറിയത് മമത ബാനര്ജിയാണ്. ധര്മ്മ തുറമുഖം അദാനിയ്ക്ക് നല്കിയത് മോദി സര്ക്കാരല്ല. 2013ല് കോണ്ഗ്രസ് സര്ക്കാരാണ്.”- സഞ്ജു വര്മ്മ പറഞ്ഞു.
“എന്നാല് മഹുവ മൊയ്ത്ര പ്രചരിപ്പിച്ചത് ധര്മ്മ പോര്ട്ട് അദാനിയ്ക്ക് നല്കിയത് മോദി ആണെന്നാണ്. ഇതിന്റെ പേരില് ഇന്ത്യയിലെ ഒരു ജേണലിസ്റ്റും മഹുവയോട് ചോദ്യം ചോദിക്കാന് തയ്യാറായില്ല.”- സഞ്ജു വര്മ്മ പറഞ്ഞു. രാജ്ദീപ് സര്ദേശായിയുടെ ഷോയിലായിരുന്നു സഞ്ജു വര്മ്മയുടെ ഈ പ്രതികരണം.
