ശ്രീനഗര്‍: ജമ്മു കാശ്മീരിലുണ്ടായ വാഹനാപകടത്തില്‍ മലയാളികള്‍ ഉള്‍പ്പെടെ അഞ്ച് മരണം. നാല് മലയാളികളാണ് മരിച്ചത്. സുധേഷ്, അനില്‍, രാഹുല്‍, വിഘ്‌നേഷ് എന്നിവരാണ് മരിച്ച മലയാളികള്‍.കാശ്മീര്‍ സ്വദേശി ഡ്രൈവര്‍ ഐജാസ് അഹമ്മദ് അവാനും മരിച്ചു.
അപകടത്തില്‍ മൂന്ന് മലയാളികള്‍ക്ക് പരിക്കേറ്റതായും അറിയുന്നു.
പാലക്കാട് ചിറ്റൂര്‍ സ്വദേശികളാണ് മരിച്ചതെന്നാണ് വിവരം.വിനോദയാത്രയ്‌ക്ക് പോയ സംഘമാണ് അപകടത്തില്‍പ്പെട്ടത്.
സോജില പാസിലാണ് അപകടമുണ്ടായത്. സോനമാര്‍ഗിലേക്ക് പോവുകയായിരുന്ന വാഹനം റോഡില്‍നിന്ന് തെന്നിമാറി താഴ്ചയിലേക്ക് പതിക്കുകയായിരുന്നുവെന്ന് അധികൃതര്‍ പറഞ്ഞു.
.
