ഹൈദരാബാദ്: തെലുങ്കാന മുഖ്യമന്ത്രി കെ. ചന്ദ്രശേഖര റാവുവിനെയും കോണ്ഗ്രസിന്റെ മുഖ്യമന്ത്രി സ്ഥാനാര്ഥി രേവന്ത് റെഡ്ഡിയെയും പരാജയപ്പെടുത്തി ജയന്റ് കില്ലറായി ബിജെപി സ്ഥാനാര്ഥി കെ.വി. രമണറെഡ്ഡി.
കെ. സി. ചന്ദ്രശേഖര റാവുവിനെ 6,741 വോട്ടുകള്ക്കാണ് രമണ റെഡ്ഡി കാമറെഡ്ഡി മണ്ഡലത്തില് പരാജയപ്പെടുത്തിയത്. കോണ്ഗ്രസ് സംസ്ഥാന അധ്യക്ഷന് രേവന്ത് റെഡ്ഡി മൂന്നാം സ്ഥാനത്തേക്ക് പിന്തള്ളപ്പെട്ടു. തന്റെ വിജയം ജനങ്ങള്ക്ക് സമര്പ്പിക്കുകയാണെന്ന് രമണ റെഡ്ഡി പറഞ്ഞു.
ലോക്സഭാ തെരഞ്ഞെടുപ്പില് ബിജെപി വലിയ വിജയം നേടുക മാത്രമല്ല അടുത്ത തവണ തെലുങ്കാനയില് അധികാരത്തിലെത്തുമെന്നും രമണ റെഡ്ഡി പ്രതികരിച്ചു.നിസാമാബാദ് ജില്ലയിലാണ് കാമറെഡ്ഡി മണ്ഡലം.ഇവിടെ തോറ്റെങ്കിലും കെ.സി.ആറും രേവന്ത് റെഡ്ഡിയും മറ്റ് മണ്ഡലങ്ങളില് നിന്ന് വിജയം നേടി.
