അമൃത്സര്: പഞ്ചാബില് നടന്ന പ്രഥമ സീനിയര് നാഷണല് ബേസ്ബോള് ഫൈവ്സ് ചാമ്പ്യന്ഷിപ്പില് കേരളം മൂന്നാം സ്ഥാനം കരസ്ഥമാക്കി. ലീഗ് റൗണ്ടില് കേരളം ഗോവയെ 3-0നും ആസാമിനെ 8-0നും പരാജയപ്പെടുത്തി പ്രീക്വാര്ട്ടര് മത്സരത്തില് പ്രവേശിച്ചു.
പ്രീക്വാര്ട്ടറില് മഹാരാഷ്ട്രയെ തോല്പ്പിച്ച് ക്വാര്്ട്ടറിലെത്തിയ കേരളം നേരിട്ടത് ജമ്മുകശ്മീരിനെ. ശക്തമായ ക്വാര്ട്ടര് പോരാട്ടത്തിനൊടുവില് 4-2ന് ജയിച്ച് സെമിയിലേക്ക്. ഫൈനല് പ്രവേശത്തിനായി രാജസ്ഥാന നേരിട്ട കേരളം 2-1ന്റെ മാര്ജിനില് ഇടറിവീണു. ഇതേ തുടര്ന്ന് നടന്ന മൂന്നാം സ്ഥാന പോരാട്ടത്തില് ഉത്തരാഖണ്ഡിനെതിരെ 7-0ന്റെ തകര്പ്പന് ജയമാണ് നേടിയത്.
ഐ പി ബിനുവാണ് കേരള ടീമിന്റെ മാനേജര്. രാജേഷ് കുമാര് എന്.കെ, ആദര്ശ് രമേശ് എന്നിവരാണ് കേരളത്തിന്റെ പരിശീലകര്.
