കോഴിക്കോട്: 34-ാമത് രാമാശ്രമം ഉണ്ണീരിക്കുട്ടി പുരസ്‌ക്കാരം കാനായി കുഞ്ഞിരാമന്. ആഗോള തലത്തില്‍ ശില്പകലയെ സമ്പന്നമാക്കുന്നതില്‍ നല്‍കിയ സംഭാവനകളെ മുന്‍നിര്‍ത്തിയാണ് പുരസ്‌ക്കാരമെന്ന് വാര്‍ത്താ സമ്മേളനത്തില്‍ എം. മുകുന്ദന്‍ പറഞ്ഞു. 23ന് വൈകിട്ട് അഞ്ചിന് കോഴിക്കോട് ശ്രീനാരായണ എഡ്യുക്കേഷന്‍ സൊസൈറ്റി എം.എ. ഉണ്ണീരിക്കുട്ടി മെമ്മോറിയല്‍ ഹാളില്‍ നടക്കുന്ന ചടങ്ങില്‍ പുരസ്‌ക്കാര ദാനം നിര്‍വഹിക്കും. 50,000 രൂപയും പ്രശസ്തിപത്രവും ശില്പവും അടങ്ങുന്നതാണ് പുരസ്‌ക്കാരം. വാര്‍ത്താസമ്മേളനത്തില്‍ എം. ജയമോഹനന്‍, എം.എ. ശിഷന്‍, എ. അഭിലാഷ് ശങ്കര്‍ എന്നിവരും പങ്കെടുത്തു.
