തിരുവനന്തപുരം: വട്ടപ്പാറയിൽ നിന്നും ഇന്നലെ കാണാതായ മൂന്ന് കുട്ടികളെയും കന്യാകുമാരിയിൽ നിന്നും കണ്ടെത്തി. മൊബൈൽ ഫോൺ ലൊക്കേഷൻ പരിശോധിച്ച് നടത്തിയ അന്വേഷണത്തിലാണ് കുട്ടികളെ കണ്ടെത്തിയത്. മൂന്ന് വിദ്യാർത്ഥികളും സുരക്ഷിതരാണെന്ന് വട്ടപ്പാറ പോലീസ് വ്യക്തമാക്കി.
കഴിഞ്ഞ ദിവസം സ്കൂളിൽ നടന്ന ചില സംഭവങ്ങളുടെ പശ്ചാത്തലത്തിൽ രക്ഷിതാക്കളെ കൂട്ടി എത്താൻ അദ്ധ്യാപകർ നിർദ്ദേശിച്ചിരുന്നു. ഇതേ തുടർന്നാണ് കുട്ടികൾ വീട് വിട്ടിറങ്ങിയത്. യൂണിഫോമിന് പകരം ധരിക്കാനുള്ള വസ്ത്രമുൾപ്പെടെ കുട്ടികൾ കയ്യിൽ കരുതിയിരുന്നു.
