ആലപ്പുഴ: അമ്പലപ്പുഴയിൽ നിയന്ത്രണം തെറ്റിയ വാൻ ബൈക്ക് യാത്രികന്റെ ജീവനെടുത്തു. അമ്പലപ്പുഴ തെക്ക് മനോജ്കുമാർ-സുജിത ദമ്പതികളുടെ മകൻ കൃഷ്ണചന്ദ്രനാണ് മരിച്ചത്. ഇന്നലെ പുലർച്ചെ പുന്നപ്ര പവർഹൗസ് ജംഗ്ഷനിലായിരുന്നു അപകടം.
അമ്പലപ്പുഴയിൽ നിന്നും ആലപ്പുഴ ഭാഗത്തേക്ക് പോകുകയായിരുന്ന കൃഷ്ണചന്ദ്രൻ സഞ്ചരിച്ച ബൈക്കിൽ എതിർ ദിശയിലെത്തിയ വാൻ നിയന്ത്രണം തെറ്റി പാഞ്ഞു കയറി. അപകടത്തിൽ ഗുരുതരമായി പരിക്കേറ്റ കൃഷ്ണചന്ദ്രനെ പ്രദേശവാസികളും പോലീസും ചേർന്ന് ആലപ്പുഴ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
