തിരുവനന്തപുരം: തലസ്ഥാനത്ത് കൊക്കെയ്നും എംഡിഎംഎയുമായി യുവാവ് അറസ്റ്റിൽ. പേട്ട റെയിൽവേ സ്റ്റേഷനിൽ നിന്നുമാണ് പ്രതിയെ പിടികൂടിയത്. കൊല്ലം സ്വദേശി ഫൈസൽ ബഷീർ ആണ് സംഭവത്തിൽ അറസ്റ്റിലായത്. വിൽപ്പനയ്ക്ക് വേണ്ടി എത്തിച്ച ലഹരി വസ്തുക്കളാണ് എക്സൈസ് പിടികൂടിയത്.
ഇന്നലെ രാത്രിയായിരുന്നു സംഭവം. പേട്ട റെയിൽവേ സ്റ്റേഷനിൽ ഇറങ്ങിയ ഫൈസലിന്റെ കൈവശം ലഹരിവസ്തുക്കളുണ്ടെന്ന് എക്സൈസിന് രഹസ്യ വിവരം ലഭിച്ചിരുന്നു. 11 മണിയോടെ റെയിൽവേ സ്റ്റേഷൻ പരിസരത്ത് വെച്ച് ലഹരി വസ്തുക്കൾ തിരുവനന്തപുരത്തെ ഏജന്റിന് കൈമാറാനായിരുന്നു നീക്കം.
പ്രതിയിൽ നിന്നും 10.39 ഗ്രാം കൊക്കെയ്നും 16.16 ഗ്രാം എംഡിഎംഎയും പിടികൂടിയത്.ഡൽഹിയിൽ നിന്നാണ് ലഹരി വസ്തുക്കൾ എത്തിച്ചതെന്ന് പോലീസ് പറയുന്നു.
