റായ്പൂര് : ഛത്തീസ്ഗഢില് നിയമസഭാ തെരഞ്ഞെടുപ്പിന്റെ രണ്ടാമത്തയും അവസാനത്തെയും ഘട്ടം വെളളിയാഴ്ച. എല്ലാ ക്രമീകരണങ്ങളും പൂര്ത്തിയായി.
സംസ്ഥാനത്തെ 70 മണ്ഡലങ്ങളിലാണ് ഈ ഘട്ടത്തില് തെരഞ്ഞെടുപ്പ് നടക്കുന്നത്. ആദ്യ ഘട്ടത്തില് 20 മണ്ഡലങ്ങളിലാണ് തെരഞ്ഞെടുപ്പ് നടന്നത്.രണ്ടാം ഘട്ട വോട്ടെടുപ്പിനായി 18,800 പോളിങംഗ് സ്റ്റേഷനുകള് സജ്ജീകരിച്ചിട്ടുണ്ട്. ഇതില് 700 എണ്ണം സംഗ്വാരി പോളിംഗ് സ്റ്റേഷനുകളാണ്, ഇവിടെ വനിതാ പോളിംഗ് ഉദ്യോഗസ്ഥരെ മാത്രമേ വിന്യസിക്കൂ.
വോട്ടെടുപ്പ് രാവിലെ 8 മുതല് വൈകിട്ട് 5 വരെയും ബിന്ദ്രനവഗഡ് അസംബ്ലി മണ്ഡലത്തിലെ ഒമ്പത് പോളിംഗ് സ്റ്റേഷനുകളില് രാവിലെ 7 മുതല് 3 വരെയുമാണ് വോട്ടെടുപ്പ്.
വോട്ടെടുപ്പ് നടക്കുന്ന എല്ലാ മണ്ഡലങ്ങളിലും ഭാരതീയ ജനതാ പാര്ട്ടിയും കോണ്ഗ്രസും മത്സരിക്കുന്നു. കനത്ത സുരക്ഷയാണ് പോളിംഗ് സ്റ്റേഷനുകളില് ഒരുക്കിയിരിക്കുന്നത്. ലോക്കല് പൊീസിന് പുറമെ കേന്ദ്ര സുരക്ഷാ സേനയെയും വിന്യസിച്ചിട്ടുണ്ട്.
