പെരിങ്ങോട്ടുകര: കാരുണ്യ ചാരിറ്റബിള്‍ സൊസൈറ്റി ഏര്‍പ്പെടുത്തിയ 13-ാമത് കാരുണ്യ ‘മാന്‍ ഓഫ് ദി ഇയര്‍’ പുരസ്‌കാരം സുരേഷ് ഗോപി ഏറ്റുവാങ്ങി. പുരസ്‌ക്കാരം ഭാര്യ രാധികയ്ക്ക് സമര്‍പ്പിക്കുന്നതായി സുരേഷ് ഗോപി പറഞ്ഞു. വാര്‍ഷികാഘോഷ പരിപാടികളുടെ സമാപനവും അവാര്‍ഡ് ദാന സമര്‍പ്പണ സമ്മേളനവും ദേവസ്ഥാനാധിപതി ഉണ്ണി ദാമോദരന്‍ ഉദ്ഘാടനം ചെയ്തു.
സൊസൈറ്റി പ്രസിഡന്റ് സജിത്ത് പാണ്ടാരിക്കല്‍ അധ്യക്ഷത വഹിച്ചു. രക്ഷാധികാരി കെ. ഡി ദേവദാസ് സുരേഷ് ഗോപിയെ പൊന്നാട ചാര്‍ത്തി. കോര്‍ഡിനേറ്റര്‍ സലീഷ് തണ്ടാശ്ശേരി പുരസ്‌ക്കാരം നല്‍കി. സൊസൈറ്റി സെക്രട്ടറി ഇ.പി. സൈമണ്‍, ട്രഷറര്‍ ഇ.വി.എന്‍. പ്രേംദാസ്, ഓസ്റ്റിന്‍ പോള്‍ എന്നിവര്‍ സംസാരിച്ചു. തുടര്‍ന്ന് മെഗാ തിരുവാതിരയും വിവിധ കലാപരിപാടികളും അരങ്ങേറി.
മത്സരാര്‍ത്ഥികള്‍ക്ക് സുരേഷ് ഗോപി സമ്മാനങ്ങള്‍ വിതരണം ചെയ്തു.
