ഏഷ്യൻ ഗെയിംസിൽ രാജ്യത്തിന് സ്വർണവും വെള്ളിയും സ്വന്തമാക്കിയ താരം അജ്മൽ വിവാഹിതനായി. മലയാളി അത്ലറ്റ് മുഹമ്മദ് അജ്മൽ ആണ് വിവാഹിതനായത്. പാലക്കാട് ചെർപ്പുള സ്വദേശിയാണ് അജ്മൽ. തൃശൂർ സ്വദേശിനിയും അത്ലറ്റുമായ ജംഷീലയെയാണ് വിവാഹം കഴിച്ചത്.
തൃശൂർ വടക്കേക്കാട് നടന്ന ചടങ്ങിൽ ഇരുവരുടെയും അടുത്ത ബന്ധുക്കളും സുഹൃത്തുക്കളും മാത്രമായിരുന്നു സന്നിഹിതരായിരുന്നത്. ഏഷ്യൻ ഗെയിംസിൽ 4×400 മീറ്റർ പുരുഷ റിലേയിൽ സ്വർണവും 4×400 മീറ്റർ മിക്‌സഡ് റിലേയിൽ വെള്ളിയുമാണ് അജ്മൽ നേടിയത്. ദേശീയ ഗെയിംസിൽ 400X400 മീറ്റർ വനിതാ റിലേയിൽ ജംഷീല വെങ്കലം നേടിയിരുന്നു.
