കൊല്ലം: കുന്നത്തൂർ കാരൂർക്കടവ് പാലത്തിന് സമീപമുള്ള പുഞ്ചയിൽ നിന്നും മാൻ പിടിക്കാൻ പോയ യുവാവിന് ദാരുണാന്ത്യം. ഫൈബർ വള്ളം മറിഞ്ഞായിരുന്നു അപകടം. വടക്കൻ മൈനാഗപ്പള്ളി തെക്ക് മുടിയിൽ വിഷ്ണുവാണ് മരിച്ചത്.
ഞായറാഴ്ച വൈകിട്ട് ആറ് മണിയോടെയായിരുന്നു സംഭവം. വിഷ്ണു ഉൾപ്പെടെ നാല് പേരായിരുന്നു ഫൈബർ വള്ളത്തിൽ പുഞ്ചയിലേക്ക് പോയത്. വള്ളം മറിഞ്ഞപ്പോൾ ബാക്കി മൂന്ന് പേരും നീന്തി രക്ഷപ്പെട്ടു. എന്നാൽ നീന്തലറിയാത്ത വിഷ്ണു മുങ്ങിത്താഴുകയായിരുന്നു.
ഇന്നലെ രാവിലെ ശാസ്താംകോട്ട ഫയർഫോഴ്‌സും കൊല്ലത്ത് നിന്നെത്തിയ സ്‌കൂബാ ടീമും ചേർന്നാണ് മൃതദേഹം കണ്ടെടുത്തത്. ശാസ്താംകോട്ട താലൂക്ക് ആശുപത്രിയിൽ പോസ്റ്റ്‌മോർട്ടം നടത്തിയ മൃതദേഹം വൈകിട്ട് 6ന് വീട്ടുവളപ്പിൽ സംസ്‌കരിച്ചു.
