ഇസ്ലാമബാദ്: നിരോധിത ഭീകരസംഘടനയായ ലഷ്കര് ഇ തൊയ്ബയുടെ മുന് കമാന്ഡറും കൊടും ഭീകരനുമായ അക്രം ഖാനെ (അക്രം ഖാസി) പാകിസ്ഥാനില് വച്ച് അജ്ഞാതര് വെടിവച്ചുകൊന്നു. കാലങ്ങളായി പാകിസ്ഥാന് കേന്ദ്രമാക്കി ഭീകരപ്രവര്ത്തനം നടത്തുന്ന ഇയാള് ഭാരത വിരുദ്ധ പ്രചാരണങ്ങളുടെ ബുദ്ധി കേന്ദ്രമായിരുന്നു. 2018മുതല് 2020 വരെ ലഷ്കറിന്റെ റിക്രൂട്ട്മെന്റ് വിഭാഗം മേധാവിയായിരുന്നു.
പാകിസ്ഥാനില് വച്ച് അജ്ഞാതരുടെ വെടിയേറ്റ് കൊല്ലപ്പെടുന്ന മൂന്നാമത്തെ ഭീകരനാണ് ഇയാള്. പത്താന്കോട്ട് ഭീകരാക്രമണത്തിന്റെ സൂത്രധാരനായിരുന്ന ഷാഹിദ് ലത്തീഫിനെ അജ്ഞാതര് വെടിവച്ചുകൊന്നിരുന്നു. ലഷ്കര് കമാന്ഡര് അബു ഘാസിമും പാക് അധീന കശ്മീരിലെ പള്ളിയില് വച്ച് അടുത്തിടെ കൊല്ലപ്പെട്ടിരുന്നു.
