അയോധ്യ: ഉത്തര്പ്രദേശ് മന്ത്രിസഭായോഗം ഇന്ന് അയോധ്യയില് ചേരും. രാമക്ഷേത്രനിര്മാണത്തിന് വഴിതുറന്ന നിര്ണായകമായ സുപ്രീംകോടതി വിധി പ്രഖ്യാപിച്ച ദിവസമാണ് ഇന്ന്.
1989ല് അയോധ്യയിലെ രാമമന്ദിരത്തിന് ശിലാന്യാസപരിപാടി നടന്നതും ഇതേ ദിവസമാണ്. ഈ പ്രത്യേകതകള് കൂടി കണക്കിലെടുത്താണ് മന്ത്രിസഭായോഗം അയോധ്യയില് ചേരുന്നത്. രാവിലെ 11.30നാണ് മന്ത്രിസഭായോഗം ചേരുന്നത്.
തെരഞ്ഞെടുപ്പ് പ്രചാരണത്തിന്റെ ഭാഗമായി മറ്റ് സംസ്ഥാനങ്ങളില് ചുമതല വഹിക്കുന്ന മന്ത്രിമാരും നിര്ബന്ധമായി യോഗത്തിനെത്തണമെന്ന് നിര്ദേശം നല്കിയിട്ടുണ്ട്. യോഗത്തിന് ശേഷം മന്ത്രിമാര് രാമക്ഷേത്രദര്ശനം നടത്തും.
