പുളിക്കുന്ന്(ആലപ്പുഴ): 37-ാമത് കേരള സംസ്ഥാന യൂത്ത് ബാസ്‌കറ്റ്‌ബോള്‍ ചാമ്പ്യന്‍ഷിപ്പില്‍ കോട്ടയവും കോഴിക്കോടും ജേതാക്കളായി. ആണ് ഫൈനലില്‍ നിലവിലെ ചാമ്പ്യന്മാരായ കോട്ടയം തൃശൂരിനെ 74-67ന് തോല്‍പ്പിച്ച് ചാംപ്യന്‍ഷിപ് നിലനിര്‍ത്തി. പെണ്‍ വിഭാഗത്തില്‍ തൃശ്ശൂരിനെ 55 -44 തോല്‍പ്പിച്ചാണ് കോഴിക്കോട് ജേതാക്കളായത്.
സെന്റ് ജോസഫ്‌സ് എച്ച്എസ്എസ് ഇന്‍ഡോര്‍ സ്റ്റേഡിയത്തില്‍ നടന്ന പെണ്‍ഫൈനലില്‍ 18 പോയിന്റുമായി അര്‍ത്തിക കോഴിക്കോടിന്റെ ടോപ് സ്‌കോററും 17 പോയിന്റ് നേടിയ ലിയ മരിയയും തൃശ്ശൂരിന്റെ ടോപ് സ്‌കോററായി. ആണ് ഫൈനലില്‍ കോട്ടയം ആദിത്യന്‍ കെ.റെജി 18 പോയിന്റ് നേടി ടോപ് സ്‌കോറര്‍ ആയപ്പോള്‍ 15 പോയിന്റ് നേടിയ ജൂനിയര്‍ ഇന്റര്‍നാഷണല്‍ ജിന്‍സ് കെ ജോബി മികച്ച പിന്തുണ നല്‍കി.
ചാമ്പ്യന്‍ഷിപ്പിലെ മികച്ച താരങ്ങളായി കോട്ടയം സ്വദേശി ജിന്‍സ് കെ ജോബിയും കോഴിക്കോട് നിന്നുള്ള ദിയ ബിജുവും തെരഞ്ഞെടുക്കപ്പെട്ടു. തൃശ്ശൂരിന്റെ നിയുക്ത് സലീലും ദിയ മരിയയും ആണ് മികച്ച കളിക്കാര്‍ക്കുള്ള പുരസ്‌കാരം നേടിയത്. വെങ്കല മെഡല്‍ മത്സരത്തില്‍ കോഴിക്കോട് 65-41ന് ആലപ്പുഴയെ തോല്‍പ്പിച്ച് ആണ് വിഭാഗത്തിലും ആലപ്പുഴയെ 51-41 ന് തോല്‍പ്പിച്ച് തിരുവന്തപുരം പെണ്‍കുട്ടികളുടെ മൂന്നാം സ്ഥാനവും സ്വന്തമാക്കി.
