തൃശൂര്‍: പുത്തൂര്‍ സുവോളജിക്കല്‍ പാര്‍ക്കിലേക്ക് പുത്തന്‍ അതിഥികളായി ഫെസന്റ് ഇനത്തില്‍പ്പെട്ട 6 പക്ഷികള്‍ കൂടിയെത്തി. തൃശൂര്‍ മൃഗശാലയില്‍ നിന്നും എത്തിച്ച വര്‍ണ്ണ പക്ഷികളെ വരവേറ്റു. ആണ്‍ വര്‍ഗ്ഗത്തിലെ ഒന്നും പെണ്‍ വര്‍ഗ്ഗത്തിലെ രണ്ടും ഗോള്‍ഡന്‍ ഫെസന്റുകള്‍, ഇതേ രീതിയില്‍ ആണ്‍, പെണ്‍ വര്‍ഗ്ഗത്തില്‍പ്പെട്ട സില്‍വര്‍ ഫെസന്റുകള്‍ എന്നിവയെയാണ് എത്തിച്ചത്.
മനോഹരമായ കൂടുകളാണ് പക്ഷികള്‍ക്കായി സുവോളജിക്കല്‍ പാര്‍ക്കില്‍ ഒരുക്കിയിരിക്കുന്നത്. കാഴ്ചയില്‍ അതി മനോഹരമായ വര്‍ണ്ണ പക്ഷികളാണ് ഫെസന്റ് ഇനത്തില്‍പ്പെട്ടവ. മുന്‍പ് മൂന്ന് മൈലുകളെയും, സില്‍വര്‍ ഫെസന്റുകളെയും എത്തിച്ചിരുന്നു. അടുത്ത ആഴ്ച ചുക്കര്‍ പാട്രിഡ്ജ് ഇനത്തില്‍പ്പെട്ട പക്ഷികളെയും എത്തിക്കും.
