തൃശൂര് : മണ്സൂണ് കാലത്തെ വയല്ക്കാഴ്ചകള് ആസ്വദിക്കാനും കോള്പ്പാടത്തെ ജൈവവൈവിദ്ധ്യം കൂടുതല് അടുത്തറിനായി കോള് ബേഡേഴ്സ് കളക്റ്റീവിന്റെ ആഭിമുഖ്യത്തില്, വെറ്റ്ലാന്റ് ലേണിങ്ങ് സെന്റര്, ബൈനോക്യുലേഴ്സ് എന്നിവയുടെ സഹകരണത്തോടെ മഴനടത്തം സംഘടിപ്പിച്ചു.
തൃശ്ശൂര് പൊന്നാനി പ്രദേശങ്ങളിലായി പരന്നുകിടക്കുന്ന സംസ്ഥാനത്തെ ഒരു പ്രധാന ഹെറിറ്റേജ് പ്രദേശമാണ് കോള് മേഖല. ജില്ലയുടെ വിവിധ ഭാഗങ്ങളില്നിന്നായി വിദ്യാര്ത്ഥികളും വീട്ടമ്മമാരും പക്ഷിനിരീക്ഷകരും അടക്കം 18 പേര് പങ്കെടുത്തു. മിനി ആന്റോ തെറ്റയില്, സുബിന് മനക്കൊടി, ഡോ. ഗീത അനലൂര്, സിജി പി.കെ, മനോജ് കരിങ്ങാമഠത്തില് തുടങ്ങിയവര് നേതൃത്വം നല്കി.
3 കിലോമീറ്റര് നീണ്ട നടത്തത്തില് നിരവധി തുമ്പികളെയും ശലഭങ്ങളെയും 38ല് പരം പക്ഷികളെയും സംഘം രേഖപ്പെടുത്തി. നീര്പക്ഷികളുടെ പ്രജനനകാലം ആയതിനാല് സ്വദേശികളായ നിരവധി പക്ഷികളുടെ കുട്ടികളെ നിരീക്ഷിക്കാനായതില് പവിഴക്കാലിയും (ബ്ലാക്ക് വിങ്ങ്ഡ് സ്റ്റില്റ്റ്) കുട്ടികളും കൗതുകമുള്ള കാഴ്ചയായി. കോള്പ്പാടത്ത് പ്രജനനം നടത്തുന്ന പക്ഷികളെക്കുറിച്ച് കൂടുതല് പഠനങ്ങളിലാണ് കൂട്ടായ്മ.
കേരളത്തിന്റെ അഭിമാനപദ്ധതിയായ ബേഡ് അറ്റ്ലസ്സ് പദ്ധതിയുടെ തൃശ്ശൂര് ജില്ലയിലെ രണ്ടാം പതിപ്പിന്റെ ആരംഭം വെറ്റ്സീസണ് സര്വ്വെ ജൂലൈ 15 മുതല് ആരംഭിക്കുകയാണ്. അതിനു മുന്നോടിയായി പക്ഷിസര്വ്വെയുടെ രീതിശാസ്ത്രവും സാങ്കേതിക കാര്യങ്ങളും പരിചയപ്പെടുത്തുന്ന പക്ഷിനിരീക്ഷകര്ക്കായുള്ള വര്ക്ഷോപ്പും സിറ്റിസന് സയന്റിസ്റ്റ് സംഗമവും ജൂണ് 5 ഞായറാഴ്ച, വടക്കേ സ്റ്റാന്റിനടുത്തുള്ള പിജി സെന്ററില് വച്ച് നടക്കുന്നു. താല്പര്യമുള്ള പക്ഷിനിരീക്ഷകര്ക്ക് പങ്കെടുക്കാം. മനോജ് കെ 9495513874
