ചാലക്കുടി: വി.ആര്‍. പുരത്ത് വളര്‍ത്തു നായകള്‍ക്ക് വെട്ടേറ്റു. കഴിഞ്ഞ ദിവസം ഉച്ചയോടെയാണ് സംഭവം. വി.ആര്‍.പുരം അംഗനവാടിക്ക് സമീപം താമസിക്കുന്ന പാക്രത്ത് ഗോപിയുടെയും അടുത്ത വീട്ടിലെ കോലോത്തുപറമ്പില്‍ വേലായുധന്റേയും വീട്ടിലെ വളര്‍ത്തു നായകളെയാണ് മാരകമായി വെട്ടി പരിക്കേല്‍പ്പിച്ചിരിക്കുന്നത്. വീടിന് സമീപത്തുള്ള റോഡില്‍ വെച്ചാണ് നായക്കളെ വെട്ടി പരിക്കേല്‍പ്പിച്ചിരിക്കുന്നതാണ് പറയപ്പെടുന്നത്.
ഗോപിയുടെ നായക്ക് ഏകദേശം പതിനഞ്ചിലധികം സ്റ്റിച്ച് പുറത്തും അകത്ത് വേറേയും ഉണ്ടെന്ന് പറയുന്നു. വേലായുധന്റെ വീട്ടിലെ നായക്ക് പത്തിലധികം സ്റ്റിച്ചും ഉണ്ടെന്ന് പറയുന്നു. ഈ നായകള്‍ ആരേയും ഉപദ്രവിച്ചിട്ടില്ലെന്ന് വീട്ടുകാരും പരിസരവാസികളും പറയുന്നത്. എന്തോ മാരകായുധം കൊണ്ട് വെട്ടി പരിക്കേല്‍പ്പിച്ച നിലയിലാണ് മുറിവുകള്‍.
വട്ടത്തിലാണ് രണ്ട് നായക്കളുടേയും മുറിവുകള്‍ കാണപ്പെടുന്നത്. ആഴത്തില്‍ ഇത്ര മാരകമായി വെട്ടി പരിക്കേല്‍പ്പിച്ചതിന്റെ കാരണം എന്തെന്ന് വ്യക്തമല്ല. പരിക്കേറ്റ രണ്ട് നായക്കേളേയും ചാലക്കുടി മൃഗാശുപത്രിയിലും പിന്നീട് പരിയാരം മൃഗാശുപത്രിയില്‍ കൊണ്ടു പോയി മണിക്കൂറുകള്‍ പരിശ്രമത്തിനൊടുവിലാണ് മതിയായ ചികിത്സ
യും മറ്റും നല്‍കിയത്. സാധാരണക്കാരായ രണ്ട് വീട്ടുകാരും ഏറെ സ്നേഹത്തോടെ വളര്‍ത്തുന്നതാണ് രണ്ട് നായക്കളേയും.
രണ്ട് നായക്കളും അപകട നില തരണം ചെയ്തു വരുന്നതായി വീട്ടുകാര്‍ പറഞ്ഞു. സംഭവത്തിന് കാരണക്കാരയവരെ കണ്ടെത്തി ശിക്ഷിക്കണമെന്നാണ് വീട്ടുകാരുടേയും നാട്ടുകാരുടേയും ആവശ്യം.
