കണ്ണൂർ: വധശ്രമക്കേസിലെ പ്രതിയെ പിടികൂടുന്നതിന് എത്തിയ പോലീസ് ഉദ്യോസ്ഥർക്ക് നേരെ വെടിയുതിർത്ത് പ്രതിയുടെ പിതാവ്. ആക്രമണത്തിൽ നിന്നും തലനാരിഴയ്ക്കാണ് ഉദ്യോഗസ്ഥർ രക്ഷപ്പെട്ടത്. സംഭവത്തിൽ പ്രതി റോഷന്റെ പിതാവ് ബാബു ഉമ്മൻ തോമസിനെ പോലീസ് സാഹസികമായി കീഴടക്കുകയായിരുന്നു.
വധശ്രമം ഉൾപ്പെടെ നിരവധി കേസുകളിലെ പ്രതിയാണ് റോഷൻ. ഇയാളെ അറസ്റ്റ് ചെയ്യുന്നതിന് വേണ്ടി ഇന്നലെ രാത്രി 10 മണിയോടെയാണ് പോലീസ് ചിറക്കലിലെ വീട്ടിലെത്തിയത്. പോലീസ് പുറത്തെത്തിയ കാര്യം മനസിലാക്കി ജനലിലൂടെ പ്രതിയുടെ പിതാവ് വെടിയുതിർക്കുകയായിരുന്നു.
മൂന്ന് റൗണ്ട് വെടിയുതിർത്തെന്നാണ് പോലീസ് പറയുന്നത്. സംഭവത്തിനിടെ ഓടി രക്ഷപ്പെട്ട റോഷനെ കണ്ടെത്താനായില്ല. ബലപ്രയോഗത്തിലൂടെയാണ് പിതാവ് ബാബു ഉമ്മനെ പിടികൂടിയത്.
