ഇസ്രയേല്‍ ഹമാസ് യുദ്ധം മറ്റ് രാഷ്ട്രങ്ങളിലേക്ക് പടരാതിരിക്കാന്‍ ശ്രമങ്ങളുമായി ഇന്ത്യന്‍ പ്രധാനമന്ത്രി മോദിയും അമേരിക്കന്‍ പ്രസിഡന്‍റ് ജോ ബൈഡനും യുകെ പ്രധാനമന്ത്രിഋഷി സുനകും.. ഈ ദൗത്യത്തില്‍ യുകെ. പ്രധാനമന്ത്രി ഋഷി സുനകിനെയും ഭാഗഭാക്കാക്കാന്‍ ഇന്ത്യ ശ്രമിക്കും.
Earlier this evening, spoke to UK PM @RishiSunak. Discussed means to strengthen bilateral relations and exchanged views on the situation in West Asia. We agree that there is no place for terror and violence. Death of civilians is a serious concern. Need to work towards regional…
— Narendra Modi (@narendramodi) November 3, 2023
അടുത്ത ആഴ്ച ദല്‍ഹിയില്‍ ഇന്ത്യ-അമേരിക്കന്‍ പ്രതിനിധികള്‍ പങ്കെടുക്കുന്ന 2 പ്ലസ് 2 യോഗത്തില്‍ ഇക്കാര്യം ചര്‍ച്ച ചെയ്യും. യുഎസ് പ്രതിരോധ സെക്രട്ടറി ആന്‍റണി ബ്ലിങ്കന്‍ ഇസ്രയേല്‍, ജോര്‍ദാന്‍, ജപ്പാന്‍ എന്നിവിടങ്ങളില്‍ പങ്കെടുത്ത ശേഷം ഇന്ത്യയില്‍ 2 പ്ലസ് 2 യോഗത്തിന് എത്തും. ഹമാസിനെ പ്രധാനമന്ത്രി മോദി ശക്തമായി വിമര്‍ശിച്ചെങ്കിലും ഗാസയിലേക്ക് ജീവകാരുണ്യസഹായം എത്തിക്കണമെന്ന കാര്യത്തില്‍ ഇന്ത്യ ഇസ്രയേലിന് മേല്‍ സമ്മര്‍ദ്ദം ചെലുത്തിയിരുന്നു. റെഡ് ക്രോസ് പ്രവര്‍ത്തകരെ ഗാസയിലേക്ക് കടത്തിവിട്ടതിന് പിന്നില്‍ ഇത്തരം സമ്മര‍്ദ്ദങ്ങളുണ്ട്.
ഇതിന്റെ ഭാഗമായി മോദി വെള്ളിയാഴ്ച ഋഷി സുനകിനെ വിളിച്ചു. തീവ്രവാദത്തിനെതിരെ ശക്തമായ നിലപാട് കൈക്കൊള്ളുമ്പോഴും സാധാരണ പൗരന്മാര്‍ക്ക് നാശനഷ്ടങ്ങളുണ്ടാകാതിരിക്കാന്‍ ഇസ്രയേല്‍ ശ്രദ്ധിക്കണമെന്ന താക്കീത് ഇന്ത്യയും യുകെയും നല്‍കുന്നു.
അമേരിക്കന്‍ പ്രസിഡന്‍റ് ജോ ബൈഡനും ഇതേ അഭിപ്രായക്കാരനാണ്. പലസ്തീനിലെ സാധാരണജനങ്ങളുടെ ജീവിതം നഷ്ടപ്പെടുന്ന രീതിയിലേക്ക് ഇസ്രയേല്‍-ഗമാസ് യുദ്ധം മാറരുതെന്ന് ജോ ബൈഡനും വിശ്വസിക്കുന്നു. സൗദി, തുര്‍ക്കി, ലെബനന്‍, സിറിയ തുടങ്ങിയ രാജ്യങ്ങളെ വിശ്വാസത്തിലെടുക്കാനും ശ്രമങ്ങള്‍ നടക്കുന്നുണ്ട്.
