ലോറിയിൽ നിന്നും ഉരുണ്ടുവീണ മരത്തടിക്കടിയിൽപ്പെട്ടു; തൊഴിലാളിക്ക് ദാരുണാന്ത്യം

ആലപ്പുഴ: കായംകുളത്ത് മില്ലിൽ തടിയിറക്കുന്നതിനിടെ ലോറിയിൽ നിന്നും ഉരുണ്ടു വീണ മരത്തടിക്കടിയിൽപ്പെട്ട് തൊഴിലാളിക്ക് ദാരുണാന്ത്യം. കാഞ്ഞിരശ്ശേരി എരുമേലി നോർത്തിൽ ജോസഫ് തോമസാണ് അപകടത്തിൽ മരിച്ചത്. ഇന്ന് പുലർച്ചെയോടെയായിരുന്നു സംഭവം.

കായംകുളം പുളിമുക്കിലെ തടിമില്ലിലാണ് സംഭവം. അഗ്നിരക്ഷാ സേന സ്ഥലത്തെത്തി ഹൈഡ്രോളിക് സ്‌പ്രെഡർ ഉപയോഗിച്ച് തടി ഉയർത്തിയ ശേഷമാണ് ആളെ പുറത്തെടുത്ത്. ഉടൻ തന്നെ കായംകുളം താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.