ദതിയ(മധ്യപ്രദേശ്): ചമ്പല് മേഖലയില് സാന്നിധ്യമുറപ്പിച്ച് ബിജെപി മുന്നേറ്റം. ബഹുജന് സമാജ് പാര്ട്ടിയുടെ ചമ്പല് സോണ് ഇന്ചാര്ജ് രാംസേവക് പാല് അടക്കം നൂറ് കണക്കിനാളുകളാണ് കഴിഞ്ഞ ദിവസം ബിജെപിയില് ചേര്ന്നത്.
രാംസേവക് പാലിനെയും കൂട്ടരെയും മധ്യപ്രദേശ് ആഭ്യന്തര മന്ത്രിയും ദതിയ മണ്ഡലത്തിലെ ബിജെപി സ്ഥാനാര്ത്ഥിയുമായ ഡോ. നരോത്തം മിശ്ര ബിജെപിയിലേക്ക് സ്വീകരിച്ചു.
ബിജെപിയുടെ ആശയം ദളിത് പിന്നാക്ക ജനവിഭാഗങ്ങളെ അംഗീകരിക്കുന്നതാണെന്നും നരേന്ദ്ര മോദി സര്ക്കാര് ഭേദവിചാരമില്ലാതെ ജനക്ഷേമം നടപ്പാക്കുന്നുവെന്നും അംഗത്വം സ്വീകരിച്ചതിന് ശേഷം രാംസേവക് പാല് പറഞ്ഞു. ഹരിറാം പാല്, മനോഹര് ഫൗജി, കൈലാഷ് ബാഗേല് തുടങ്ങിയ നേതാക്കളും പങ്കെടുത്തു.
