ന്യൂദല്ഹി: ചോദ്യപ്പേപ്പര് ചോര്ച്ചയുമായി ബന്ധപ്പെട്ട കള്ളപ്പണക്കേസില് രാജസ്ഥാന് കോണ്ഗ്രസ് സംസ്ഥാന അധ്യക്ഷന്റെ വസതിയില് എന്ഫോഴ്സ്മെന്റ് ഡയറക്ടറേറ്റ് റെയ്ഡ് നടത്തി. പിസിസി അധ്യക്ഷന് ഗോവിന്ദ് സിങ് ദോതാസ്റയുടെ വീട്ടിലാണ് റെയ്ഡ് നടത്തിയത്.
സ്വതന്ത്ര എംഎല്എ ഓം പ്രകാശ് ഹുഡ്ലയുടെ വസതിയിലും റെയ്ഡ് പുരോഗമിക്കുകയാണ്. ചോദ്യപേപ്പര് ചോര്ച്ചയുമായി ബന്ധപ്പെട്ടാണ് പരിശോധന നടക്കുന്നതെന്ന് ഇഡി വ്യക്തമാക്കി. രാജസ്ഥാന് മുഖ്യമന്ത്രി അശോക് ഗെലോട്ടിന്റെ മകന് വൈഭവ് ഗെഹ്ലോട്ടിനും ഇഡി സമന്സ് അയച്ചു. നാളെ ഹാജരാകണമെന്നാണ് നിര്ദ്ദേശം.
