കോട്ടയം: സില്വര്ലൈന് വിരുദ്ധ ജനകീയ സമിതി കോട്ടയം ജില്ലാ കമ്മിറ്റി മാടപ്പള്ളിയില് തുടങ്ങിയ സത്യഗ്രഹ സമരത്തിന്റെ 550-ാം ദിവസത്തെ സമരവും, 2022 ജൂണ് 5 പരിസ്ഥിതി ദിനത്തില് സില്വര് ലൈന് പ്രതിഷേധ സൂചകമായി വച്ച വാഴയുടെ വിളവെടുപ്പും പരസ്യ ലേലവും നടന്നു.
49,100 രൂപയ്ക്ക് വാഴക്കുല സുമതിക്കുട്ടിയമ്മ ലേലത്തില് പിടിച്ചു. ലേലത്തുകയില് നിന്ന് 25,000 രൂപ സില്വര്ലൈന് വിരുദ്ധ ജനകീയ സമിതി ചെങ്ങന്നൂര് കൊഴുവല്ലൂരിലെ തങ്കമ്മയുടെ ഭവന നിര്മാണത്തിന് നല്കി. മുന് എംഎല്എ ജോസഫ് എം. പുതുശ്ശേരി, സമരസമിതി സംസ്ഥാന കണ്വീനര് എസ്. രാജീവിന് തുക കൈമാറി. ബാക്കി തുക സമരസമിതി പ്രവര്ത്തകരുടെ കേസിന്റെ ആവശ്യത്തിനു ചെലവഴിക്കും.
