ആരാധകര് ഏറെ പ്രതീക്ഷയോടെ കാത്തിരിക്കുന്ന വിജയ് ചിത്രമാണ് ലിയോ. റിലീസിന് മണിക്കൂറുകള് മാത്രം ബാക്കി നില്ക്കെയാണ് ആരാധകരെ നിരാശരാക്കിയ വാര്ത്ത വരുന്നത്. 19നാണ് ലിയോയുടെ റിലീസ് നിശ്ചയിച്ചിരിക്കുന്നത്. എന്നാല് ചിത്രത്തിന്റെ പേരിനെ ചൊല്ലിയുള്ള തര്ക്കത്തെ തുടര്ന്ന് 20 വരെ സ്റ്റേ ചെയ്തിരിക്കുകയാണ് ഹൈദരാബാദ് കോടതി.
‘ലിയോ’ എന്ന പേര് തെലുങ്കില് ഉപയോഗിക്കുന്നതിനെതിരെ സിത്താര എന്റര്ടൈന്മെന്റ്സിന്റെ നിര്മ്മാതാവ് നാഗ വംശി സമര്പ്പിച്ച ഹര്ജിയുടെ അടിസ്ഥാനത്തില് ഒക്ടോബര് 17 ന് ഹൈദരാബാദിലെ സിറ്റി സിവില് കോടതി ഉത്തരവ് പുറപ്പെടുവിച്ചു. ഒക്ടോബര് 20 വരെ തെലുങ്ക് റിലീസ് തടയാന് കോടതി ഉത്തരവിട്ടിട്ടുണ്ട്. തമിഴ്, തെലുങ്ക്, മലയാളം, കന്നഡ, ഹിന്ദി എന്നിങ്ങനെ ഒന്നിലധികം ഭാഷകളിലാണ് ചിത്രം പുറത്തിറങ്ങുക.
