തിരുവനന്തപുരം: ഇസ്രായേലില് 700ലേറെ പേരുടെ മരണത്തിന് കാരണമായ ഹമാസ് ഭീകരര് നടത്തിയ ആക്രമണം മന:സ്സാക്ഷിയുള്ളവരെല്ലാം അപലപിക്കുമെന്ന് സിപിഎം സംസ്ഥന കമ്മിറ്റി ആംഗം കെ.കെ. ഷൈലജ. സിപിഎം പാര്ട്ടി പാലസ്തീനെ ആക്രമണത്തെ പിന്തുണക്കുകയും ഇസ്രായേലില് അക്രമം അഴിച്ചു വിട്ടത് ഇസ്ലാമിക ഭീകരരാണെന്ന് പറയാന് മടിക്കുമ്പോഴാണ് മുന് മന്ത്രികൂടിയായ നേതാവിന്റെ തുറന്നു പറച്ചില്.
അധികാരഭ്രാന്തിന്റെയും പണക്കൊതിയുടെയും അനന്തരഫലമാണ് യുദ്ധങ്ങള്. നിഷ്കളങ്കരായ അനേകം മനുഷ്യര് ഓരോ യുദ്ധത്തിലും കുരുതി കൊടുക്കപ്പെടുന്നു, എന്ന് സൂചിപ്പിച്ച് കൊണ്ട് തുടങ്ങുന്ന ഫേസ്ബുക്ക് പോസ്റ്റിനു നേരെ കടുത്ത പ്രതികരണങ്ങളുമായാണ് മതമൗലീകവാദികള് പ്രതികരിച്ചിരിക്കുന്നത്.
‘ഹമാസ് ഭീകരര് എന്നുള്ളത് തിരുത്തരുത്’, ‘നൈസ് ആയിട്ട് രണ്ട് വള്ളത്തിലും ചവിട്ടി’, ‘ഹമാസ് ഭീകരര് എന്നുള്ള വാക്ക് നാളെയും കാണണം’ എന്നിങ്ങനെ ഒരു വിഭാഗം പോസ്റ്റിന് കമന്റ് ചെയ്യുമ്പോള്, ഹമാസിനെ പോരാളികള് എന്ന് വിളിക്കണമെന്ന് ആവശ്യപ്പെട്ട് ഇസ്ലാമിസ്റ്റുകളും രംഗത്തു വന്നിട്ടുണ്ട്.
പോസ്റ്റിന്റെ പൂര്ണ്ണ രൂപം:
അധികാരഭ്രാന്തിന്റെയും പണക്കൊതിയുടെയും അനന്തരഫലമാണ് യുദ്ധങ്ങള്. നിഷ്കളങ്കരായ അനേകം മനുഷ്യര് ഓരോ യുദ്ധത്തിലും കുരുതി കൊടുക്കപ്പെടുന്നു. ബോംബാക്രമണത്തില് പൊള്ളിക്കരിഞ്ഞ കുഞ്ഞുടലുകള് നമ്മുടെ ഉറക്കം കെടുത്തുന്നു. ഇസ്രയേലിന്റെ ജനവാസ മേഖലയില് ഹമാസ് ഭീകരര് നടത്തിയ ആക്രമണത്തെ മന:സ്സാക്ഷിയുള്ളവരെല്ലാം അപലപിക്കും.
അതോടൊപ്പം 1948 മുതല് പലസ്തീന് ജനത അനുഭവിച്ചുകൊണ്ടിരിക്കുന്നത് ഇതേ തോതിലുള്ള ഭീകരതയാണെന്നും അതിനു കാരണക്കാര് ഇസ്രയേലും അവര്ക്ക് പിന്തുണ നല്കുന്ന സാമ്രാജ്യത്വ ശക്തികളുമാണെന്ന യാഥാര്ഥ്യം മറച്ചുവെക്കാന് കഴിയില്ല. മുതലാളിത്ത ലാഭക്കൊതിയുടെ സൃഷ്ടിയായ യുദ്ധങ്ങളില് പിടഞ്ഞുവീഴുന്ന മനുഷ്യരെ നോക്കി നെടുവീര്പ്പിടുക മാത്രമല്ല പ്രതിഷേധിക്കുക കൂടി ചെയ്യുകയാണ് നമ്മുടെ ഉത്തരവാദിത്വം.
അധികാരഭ്രാന്തിന്റെയും പണക്കൊതിയുടെയുംഅനന്തരഫലമാണ് യുദ്ധങ്ങൾ.നിഷ്കളങ്കരായഅനേകം മനുഷ്യർ ഓരോ യുദ്ധത്തിലും കുരുതി…
Posted by K K Shailaja Teacher on Tuesday, October 10, 2023
