പി.കെ.കൃഷ്ണദാസ്
(ബിജെപി ദേശീയ നിര്വാഹക സമിതിയംഗം)
ദേശവിരുദ്ധ ശക്തികള് ശക്തിപ്രാപിക്കുന്ന ഈ കാലഘട്ടത്തില് അതിനോടു ചേര്ന്നുനിന്ന് മാധ്യമങ്ങളും സ്വന്തം രാജ്യത്തിനെതിരായുള്ള പ്രവര്ത്തനം നടത്തുന്ന സാഹചര്യം നിലനില്ക്കുന്നുണ്ട്. ഈ സമയത്ത് ജനങ്ങളില് ദേശീയ ബോധം വളര്ത്താന്, ദേശ സ്നേഹം സൃഷ്ടിക്കാന് ജന്മഭൂമിക്കേ സാധിക്കുകയുള്ളൂ. രാജ്യ വിരുദ്ധ ശക്തികളുടെ ശബ്ദമായി ചില മാധ്യമങ്ങള് ഇന്ന് മാറിക്കൊണ്ടിരിക്കുകയാണ്. ഈയവസരത്തില് ദേശീയതയുടെ ശബ്ദമായിട്ടുള്ള ജന്മഭൂമിയുടെ പ്രാധാന്യവും പ്രസക്തിയും വര്ദ്ധിച്ചിരിക്കുകയാണ്. അതോടൊപ്പം ശബ്ദമില്ലാത്തവരുടെ ശബ്ദമായി ജന്മഭൂമി മാറുന്നു.
പാര്ശ്വവത്കരിക്കപ്പെട്ടവരുടെയും അവഗണിക്കപ്പെട്ടവരുടെയും പ്രശ്നങ്ങള്, സമൂഹത്തില് അവശതയനുഭവിക്കുന്നവരുടെ വാര്ത്തകള് അധികാരി വര്ഗ്ഗത്തിന്റെ ശ്രദ്ധയില് കൊണ്ടുവരാന് ജന്മഭൂമിക്കായിട്ടുണ്ട്. അഴിമതിക്കും അധാര്മികതയ്ക്കുമെതിരായിട്ടുള്ള വലിയ പോരാട്ടം ജന്മഭൂമി നടത്തിക്കൊണ്ടിരിക്കുകയാണ്. നമ്മുടെ സംസ്കാരവും പൈതൃകവും അവഹേളിക്കപ്പെടുകയും ചോദ്യം ചെയ്യപ്പെടുകയും ചെയ്യുന്ന സാഹചര്യങ്ങളിലെല്ലാം അതിനെ എതിര്ത്ത് പൈതൃക, സംസ്കാര സംരക്ഷണത്തിന് ജന്മഭൂമി മുന്നില് നിന്നിട്ടുണ്ട്. അതിനാല്തന്നെ ഈ മാധ്യമത്തെ സംരക്ഷിക്കാനുള്ള ബാധ്യത ഓരോ ദേശസ്നേഹിക്കുമുണ്ട്. ജന്മഭൂമി വരിക്കാരാകുകയും കൂടുതല്പേരെ വരിക്കാരാക്കുകയും ചെയ്യണം. ജന്മഭൂമി വാര്ഷിക വരിസംഖ്യാ പദ്ധതി വിജയിപ്പിക്കാന് എല്ലാവരും രംഗത്തിറങ്ങണമെന്ന് അഭ്യര്ത്ഥിക്കുന്നു.
