കീവ്: തെക്കന്‍ ഉക്രൈനിയന്‍ പ്രദേശമായ കെര്‍സണില്‍ 24 മണിക്കൂറിനിടെ 59 റഷ്യന്‍ ആക്രമണങ്ങള്‍. അമ്മയും കുഞ്ഞുമുള്‍പ്പെടെ നിരവധി പേര്‍ക്ക് പരിക്ക്. 27 വയസ്സുള്ള ഒരു സ്ത്രീയുടെയും 9 മാസം പ്രായമുള്ള കുഞ്ഞിന്റെയും നില ഗുരുതരമാണെന്ന് കെര്‍സണ്‍ ഗവര്‍ണര്‍ ഒലെക്സാണ്ടര്‍ പ്രോകുഡിന്‍ പറഞ്ഞു. ആക്രമണത്തില്‍ നിരവധി വീടുകളും ഗ്യാസ് പൈപ്പ് ലൈനുകളും തകര്‍ന്നു.
കഴിഞ്ഞ 24 മണിക്കൂറിനുള്ളില്‍, റഷ്യന്‍ സൈന്യം കെര്‍സണില്‍ 59 തവണയാണ് ഷെല്‍ ആക്രമണം നടത്തിയതെന്ന് ഗവര്‍ണര്‍ ചൂണ്ടിക്കാട്ടി. അതേസമയം സംഭവത്തെക്കുറിച്ച് റഷ്യയില്‍ നിന്ന് പ്രതികരണങ്ങളൊന്നും വന്നിട്ടില്ല.
2022 ഫെബ്രുവരിയില്‍ സമ്പൂര്‍ണ അധിനിവേശം ആരംഭിച്ചതു മുതല്‍ റഷ്യ ഉക്രൈനില്‍ വ്യോമാക്രമണവും ഷെല്ലാക്രമണവും പതിവാക്കിയിട്ടുണ്ട്.
