പട്ന: മുഖ്യമന്ത്രി നിതീഷ്കുമാറിന്റെ പാര്‍ട്ടിയായ ജെഡി(യു)വിലെ എംഎല്‍എയായ ഗോപാല്‍ മണ്ഠല്‍ തോക്കുമായി ആശുപത്രിയില്‍. ഇദ്ദേഹത്തിന്റെ വീഡിയോ സമൂഹമാധ്യമങ്ങളില്‍ വൈറലായതോടെ വിവാദത്തിലായി.
ഇതേക്കുറിച്ച് ചോദ്യം ചെയ്യാന്‍ എത്തിയ മാധ്യമപ്രവര്‍ത്തകരോട് ഗോപാല്‍ മണ്ഠല്‍ തട്ടിക്കയറി. എന്നെ ചോദ്യം ചെയ്യാന്‍ നിങ്ങളെന്താ എന്റെ തന്തയോ? (അച്ഛനോ) എന്നായിരുന്നു അദ്ദേഹം മാധ്യമപ്രവര്‍ത്തകരോട് പച്ചയായി ചോദിച്ചത്.
Bihar: JDU MLA Gopal Mandal reached the hospital with a gun in his hand to get his granddaughter examine. Netizens call it Jungleraj as video goes viral pic.twitter.com/BuOzwmRpPR
— Megh Updates 🚨™ (@MeghUpdates) October 4, 2023
അഞ്ച് തവണ ബീഹാറില്‍ എംഎല്‍എ ആയിട്ടുണ്ട് ഗോപാല്‍ മണ്ഠല്‍. ബീഹാറിലെ ഭഗല്‍പൂര്‍ ജില്ലയിലെ ഗോപാല്‍പുര്‍ മണ്ഡലത്തില്‍ നിന്നുള്ള എംഎല്‍എ ആണ് ഗോപാല്‍ മണ്ഠല്‍.
ഒക്ടോബര്‍ 3ന് ഭഗല്‍പൂരിലെ ജവഹര്‍ലാല്‍ നെഹ്രു മെഡിക്കല്‍ കോളെജ് ആശുപത്രിയില്‍ പേരമകളുമായി ചികിത്സാര്‍ത്ഥം എത്തിയതായിരുന്നു ഗോപാല്‍ മണ്ഠല്‍. അപ്പോഴാണ് എംഎല്‍എയുടെ കയ്യില്‍ തോക്ക് കരുതിയത്. പരസ്യമായി തോക്ക് കയ്യില്‍ വെച്ചിരിക്കുന്ന എംഎല്‍എയെ വീഡിയോയില്‍ വ്യക്തമായി കാണാം. അതിന്റെ വീഡിയോ വൈറലുമായി. ഇതോടെയാണ് എംഎല്‍എ വെട്ടിലായത്.
2024ലെ ലോക് സഭാ തെരഞ്ഞെടുപ്പില്‍ തനിക്ക് സ്ഥാനാര്‍ത്ഥിടിക്കറ്റ് കിട്ടാന്‍ സാധ്യതയുണ്ടെന്നും അങ്ങിനെ വന്നാല്‍ മറ്റ് സ്ഥാനമോഹികള്‍ എന്നെ കൊല്ലാന്‍ സാധ്യതയുണ്ടെന്നും അതിനാല്‍ സ്വയരക്ഷയ്‌ക്കാണ് താന്‍ തോക്ക് കരുതിയത് എന്നുമാണ് എംഎല്‍എ ഗോപാല്‍ മണ്ഠല്‍ പറയുന്നത്.
ഇതേക്കുറിച്ച് കൂടുതല്‍ ചോദ്യം ചെയ്യാനെത്തിയ മാധ്യമപ്രവര്‍ത്തകരോട് തെറിയഭിഷേകം നടത്തി എംഎല്‍എ നടന്നകലുകയായിരുന്നു.
