അഴിമതിക്കെതിരെ മുദ്രാവാക്യം ഉയര്‍ത്തിയവര്‍ ഇന്ന് ജയിലില്‍; നേതാവും ഉടന്‍ അകത്താകും; കെജ്‌രിവാളിനും എഎപിക്കുമെതിരെ ആഞ്ഞടിച്ച് അനുരാഗ് താക്കൂര്‍

റായ്‌പൂര്‍ (ഛത്തീസ്ഗഡ്): കെജ്‌രിവാള്‍ സത്യസന്ധതയുടെ സര്‍ട്ടിഫിക്കറ്റ് നല്‍കിയ ആളുകള്‍ ഇന്ന് ജയിലിലാണ്. വൈകാതെ കെജ്‌രിവാളും അകത്താകും. സഞ്ജയ് സിങ്ങിന്റെ അറസ്റ്റിനെ തുടര്‍ന്നാണ് ആം ആദ്മി പാര്‍ട്ടിക്കെതിരെ കേന്ദ്ര വാര്‍ത്താവിതരണ പ്രക്ഷേപണ മന്ത്രി അനുരാഗ് താക്കൂര്‍ രൂക്ഷ വിമര്‍ശനം നടത്തിയത്.

അരവിന്ദ് കെജ്‌രിവാളിനെയും അദ്ദേഹം വിമര്‍ശിച്ചു. ആളുകള്‍ അരവിന്ദ് കെജ്‌രിവാളിനെ നോക്കി ചിരിക്കുകയാണ്. അദ്ദേഹത്തിന്റെ മുഖത്തെ പിരിമുറുക്കം അവര്‍ക്ക് കാണാം. എഎപി സര്‍ക്കാരിലെ ഉപമുഖ്യമന്ത്രി ജയിലില്‍, ആരോഗ്യമന്ത്രി ജയിലില്‍, അഴിമതിക്കെതിരെ ഇന്ത്യ എന്ന മുദ്രാവാക്യം ഉയര്‍ത്തി മുന്നണിയിലെത്തിയവരാണ് അവര്‍.

#WATCH | Raipur, Chhattisgarh | Union Minister Anurag Thakur says, "People are laughing at Arvind Kejriwal. They can see the tension on his face. The Deputy CM is in jail, the Health Minister is in jail – they are people who came to the front by raising the slogans of India… pic.twitter.com/XPdz8Cxzez

— ANI (@ANI) October 5, 2023

എന്നാല്‍ ഇന്ന് അവരെല്ലാം അഴിമതി കേസില്‍ ജയിലിലാണ്. രാജാവ് ഇപ്പോഴും പുറത്താണ്. അന്വേഷണം തുടരുകയാണ്, അതിനാല്‍ അവരുടെ സമയവും എണ്ണികഴിഞ്ഞുവെന്നും അദ്ദേഹം കൂട്ടിച്ചേര്‍ത്തു.