തൃശൂർ: ലോക്കറിൽ ഇരുന്ന 60 പവൻ കാണാനില്ലെന്ന് പരാതിപ്പെട്ടതിനെ തുടര്ന്ന് വലിയ വാര്ത്തയായ സംഭവത്തില് വഴിത്തിരിവ്. പരാതി പറഞ്ഞ സുനിതയുടെ ബന്ധുവീട്ടിൽ നിന്നു തന്നെ ലോക്കറില് നിന്നും പോയെന്ന് പറഞ്ഞ 60 പവന് സ്വര്ണ്ണവും കണ്ടെത്തി.
ലോക്കര് തുറന്നപ്പോള് സ്വര്ണ്ണം കാണാനില്ലെന്ന് മനസ്സിലാക്കിയ യുവതി കൊടുങ്ങല്ലൂർ പോലീസിൽ വിവരം അറിയിക്കുകയും സമൂഹമാധ്യമങ്ങളില് വാര്ത്തയും ആയതോടെയാണ് പുറം ലോകം പ്രശ്നം അറിഞ്ഞത്. കൊടുങ്ങല്ലൂര് സഹകരണ ബാങ്കിന്റെ അഴീക്കോട് ശാഖയിലെ ലോക്കറിൽ സൂക്ഷിച്ചിരുന്ന 60 പവൻ സ്വർണം കാണാനില്ലെന്ന് കാണിച്ച് ഉടമ സുനിത പൊലീസില് പരാതിയും നൽകി. പക്ഷെ പിന്നീടാണ് വലപ്പാടുള്ള ബന്ധുവീട്ടിൽ സ്വർണം മറന്നു വെച്ചതാണെന്ന് യുവതി പോലീസിനെ അറിയിച്ചത്.
ബാങ്ക് മാനേജരും പോലീസിൽ പരാതി നൽകിയിരുന്നു. ഈ പ്രശ്നത്തില് കൊടുങ്ങല്ലൂര് സഹകരണബാങ്കിന്റെ മുഖം നഷ്ടപ്പെട്ട നിലയിലായിരുന്നു. . കേസുമായി മുന്നോട്ട് പോകാന് തന്നെയാണ് തീരുമാനമെന്നാണ് സഹകരണ ബാങ്ക് അധികൃതരുടെ തീരുമാനം.
