ഊട്ടി: കൂനൂര്‍ മരപ്പാലത്തിനു സമീപം ടൂറിസ്റ്റ് ബസ് കൊക്കയിലേക്ക് മറിഞ്ഞ് എട്ടു പേര്‍ മരിച്ചു. പരിക്കേറ്റ 35 പേരെ കൂനൂരിലെ സര്‍ക്കാര്‍ ആശുപത്രിയില്‍ പ്രവേശിപ്പിച്ചു. ഇതില്‍ നാലുപേരുടെ നില ഗുരുതരമാണ്.
അമ്പതടിയോളം താഴ്ചയുള്ള കൊക്കയിലേക്കാണ് ബസ് മറിഞ്ഞത്. ബസില്‍ 54 പേരാണുണ്ടായിരുന്നത്.
തെങ്കാശിയില്‍ നിന്നുള്ള വിനോദ സഞ്ചാരികളാണ് ബസിലുണ്ടായിരുന്നത്. ഊട്ടിയില്‍ നിന്നും മടങ്ങവെ മേട്ടുപ്പാളയം കൂനൂര്‍ റോഡില്‍ വാഹനത്തിന്റെ നിയന്ത്രണം നഷ്ടമാവുകയായിരുന്നുവെന്നാണ് വിവരം.
അപകടത്തില്‍ മുഖ്യമന്ത്രി എം കെ സ്റ്റാലിന്‍ ദുഖം രേഖപ്പെടുത്തി.മരിച്ചവരുടെ കുടുംബത്തിന് രണ്ടു ലക്ഷം രൂപ വീതവും ഗുരുതരമായി പരിക്കേറ്റവര്‍ക്ക് ഒരു ലക്ഷം രൂപ വീതവും നിസാര പരിക്കേറ്റവര്‍ക്ക് 50,000 രൂപ വീതവും ധനസഹായം നല്‍കുമെന്ന് അദ്ദേഹം പറഞ്ഞു.
