ബീജിംഗ് : ഏഷ്യന് ഗെയിംസ് ഫുട്ബാളിലെ ആദ്യ ജയം നേടി ഇന്ത്യ. ബംഗ്ലാദേശിനെ ഏകപക്ഷീയമായ ഒരു ഗോളിനാണ് ഇന്ത്യ പരാജയപ്പെടുത്തിയത്.
പെനാല്റ്റിയിലൂടെ ലഭിച്ച അവസരം നായകന് സുനില് ഛേത്രി ഗോളാക്കുകയായിരുന്നു. മുഴുവന് സമയത്തിന് മിനിറ്റുകള് മാത്രം ശേഷിക്കേയാണ് ഇന്ത്യക്ക് അനുകൂലമായി പെനാല്റ്റി വിധിച്ചത്. ഇതോടെ എ ഗ്രൂപ്പില് മൂന്ന് പോയിന്റുകള് നേടിയ ഇന്ത്യ നോക്ക്ഔട്ട് പ്രതീക്ഷകള് നിലനിര്ത്തി.
ബോക്സിലേക്ക് കടന്ന ബ്രൈസ് മിറാണ്ടയെ വീഴ്ത്തിയതിനാണ് റഫറി പെനാല്റ്റി അനുവദിച്ചത്. കിക്ക് എടുത്ത ഛേത്രിയുടെ ഷോട്ട് തടയാന് ഗോള് കീപ്പര് ഡൈവ് ചെയ്തെങ്കിലും വിജയിച്ചില്ല. 85ാം മിനിറ്റിലാണ് ഗോള് വീണത്.
