ന്യൂഡല്ഹി: കാനഡ ആസ്ഥാനമായുളള പഞ്ചാബി റാപ് ഗായകന് ശുഭ്നീത് സിംഗിന്റെ ഇന്ത്യന് പര്യടനം റദ്ദാക്കി.ഖാലിസ്ഥാന് അനുകൂല പരാമര്ശം നടത്തിയതിന് പിന്നാലെയാണിത്.
ഖാലിസ്ഥാനെ പിന്തുണച്ച് ശുഭ്നീത് നടത്തിയ പരാമര്ശം വലിയ വിമര്ശനങ്ങള്ക്ക് കാരണമായിരുന്നു. തുടര്ന്നാണ് ശുഭ്നീത് സിംഗിന്റെ ‘സ്റ്റില് റോളിന് ഇന്ത്യ ടൂര്’ എന്നു പേരിട്ട പരിപാടി റദ്ദാക്കിയത്. സ്പോണ്സറായ ടിക്കറ്റ് ബുക്കിംഗ് ആപ്പ് ബുക്ക്മൈഷോയാണ് പരിപാടി റദ്ദാക്കിയ വിവരം അറിയിച്ചത്.
ടിക്കറ്റ് എടുത്തവര്ക്ക് 10 ദിവസത്തിനുള്ളില് തുക മടക്കി നല്കുമെന്നും ബുക്ക്മൈഷോ അറിയിച്ചു. ഖാലിസ്ഥാന് വാദിയെന്ന് ആരോപണമുളള ഗായകന്റെ സംഗീത പരിപാടി നടത്താന് തയാറായ ബുക്ക്മൈഷോയ്ക്കെതിരെ സാമൂഹ്യ മാധ്യമത്തില് വലിയ വിമര്ശനമാണുണ്ടായത്.
