തിരുവനന്തപുരം: രാജ്യത്തിന്റെ സംസ്കാരവും പാരമ്പര്യവും കാത്തുസൂക്ഷിക്കുന്നതില് തങ്ങളുടെ കരകൗശല വിദ്യകളിലൂടെ തനതായ മുദ്ര പതിപ്പിച്ചവരാണ് വിശ്വകര്മ്മജര്. വര്ഷങ്ങളായി ഭാരതത്തിന്റെ അഭിവൃദ്ധിയുടെ മൂലകാരണം സര്ക്കാര് അവര്ക്കായി വലിയ പദ്ധതി പ്രഖ്യാപിച്ചത്. കരകൗശല വിദഗ്ധരായ തൊഴിലാളികള്ക്ക് പരിശീലനവും സാങ്കേതികവിദ്യയും ഉപകരണങ്ങളും ലഭ്യമാക്കുന്ന ‘പിഎം വിശ്വകര്മ്മ’ രാജ്യത്തെ തൊഴിലാളികളുടെ ക്ഷേമത്തിനായുള്ള ചരിത്ര പദ്ധതിയാണ്. തൊഴിലിന്റെ ദേവനായ വിശ്വകര്മ്മാവിന്റെ ജന്മദിനത്തില് തുടക്കം കുറിച്ച പദ്ധതിയോട് തൊഴിലാളി വര്ഗ സര്ക്കാരിന്റെ സമീപനമാണ് ഉദ്ഘാടന ദിവസം കണ്ടത്. രാജ്യം മുഴുവന് ആഘോഷപൂര്വം നടത്തിയ ഉദ്ഘാടന പരിപാടികളില് കേരളത്തിലെ ചടങ്ങ് ഇടതുമുന്നണി കൂട്ടത്തോടെ ബഹിഷ്കരിച്ചു. വിദേശകാര്യ മന്ത്രി ഡോ. എസ്. ജയശങ്കര് പങ്കെടുത്ത തിരുവന്തപുരത്തെ പരിപാടിയില് പേരുണ്ടായിരുന്ന മുഖ്യമന്ത്രി പിണറായി വിജയനും മന്ത്രിമാരും എംപിമാരും മാത്രമല്ല മേയര് പോലും എത്തിയില്ല.
പരമ്പരാഗത കരകൗശല പ്രവര്ത്തനങ്ങളില് ഏര്പ്പെട്ടിരിക്കുന്ന ആളുകള്ക്ക് പിന്തുണ നല്കുന്ന പദ്ധതിയുടെ ഗുണഫലം 18 വിഭാഗം തൊഴിലില് ഏര്പ്പെട്ടിരിക്കുന്നവര്ക്കാണ് ഗുണം ചെയ്യുക. കേന്ദ്ര സര്ക്കാരിന്റെ ശ്രദ്ധേയമായ വലിയ പദ്ധതികളോടൊക്കെ പുറംതിരിഞ്ഞു നില്ക്കുന്ന നിലപാടാണ് തുടക്കം മുതല് കേരള സര്ക്കാര് സ്വീകരിക്കാറുള്ളത്. ജന്ധന് അക്കൗണ്ട്, ആരോഗ്യ ഇന്ഷ്വറന്സ്, കിസാന് സമ്മാന് നിധി തുടങ്ങിയവയുടെ ഗുണഫലം കേരളത്തിലെ ജനങ്ങള്ക്ക് ലഭിക്കുന്നതില് കാലതാമസം വന്നു. അതിന്റെ തുടര്ച്ചയായി മാത്രം വിശ്വകര്മ്മ പദ്ധതിയെ കണ്ടുകൂടാ. കാരണം, ഇത് അടിസ്ഥാന തൊഴിലാളികള്ക്കു വേണ്ടിയുള്ള പദ്ധതിയാണ്. ആശാരി, മൂശാരി, കൊല്ലന്, തട്ടാന്, കുശവര്, ചെരുപ്പുകുത്തി, ക്ഷുരകന്, അലക്കുകാര്, തയ്യല്ക്കാര് തുടങ്ങി ഇടതുപക്ഷത്തിന്റെ പരമ്പരാഗത വോട്ട് ബാങ്ക് എന്നു കരുതുന്ന വിഭാഗങ്ങള് കേന്ദ്ര പദ്ധതിയുടെ ഗുണഭോക്താക്കളായാല് തങ്ങളില് നിന്ന് അകലുമോ എന്ന ഭയം ഇടതുമുന്നണിക്കുണ്ട്. വിശ്വകര്മ്മ ദേവന്റെ പേരില് അദ്ദേഹത്തിന്റെ ജന്മദിനത്തില് ആരംഭിക്കുന്ന പദ്ധതിയുമായി സഹകരിച്ചാല് സനാതന വിശ്വാസത്തെ പിന്തുണക്കലാകുമോ എന്ന സംശയവും ഉണ്ടാകാം.
തൊഴിലാളി സമൂഹത്തിന് പ്രതീക്ഷയുടെ കിരണം സമ്മാനിക്കുന്ന പദ്ധതിയെ നേരിട്ടെതിര്ക്കാതെ ആക്ഷേപം ചൊരിയാനും ഇടതുകേന്ദ്രങ്ങള് മുന്നോട്ടുവരുന്നുണ്ട്. തൊഴിലാളികള്ക്ക് സഹായം നല്കുന്നത് അവര് മറ്റു തൊഴില് മേഖലയിലേക്ക് പോകാതിരിക്കാനാണെന്നും ചാതുര്വര്ണ്യം തിരിച്ചുകൊണ്ടുവരാനാണെന്നുമാണ് പറയുന്ന ന്യായം. തൊടുന്യായം ചെലവാകുന്നിെല്ലന്നു മാത്രം. ഇടതുമുന്നണിക്കൊപ്പം നിന്ന വിശ്വകര്മ്മ സംഘടനകള് ഉള്പ്പെടെ പദ്ധതിയെ ഹൃദയപൂര്വം സ്വാഗതം ചെയ്തിരിക്കുകയാണ്.
ജന്മഭൂമി ഓണ്ലൈന്