കൊച്ചി: കൊച്ചിയില്‍ കേബിള്‍ കഴുത്തില്‍ കുടുങ്ങി വീണ്ടും അപകടം. എറണാകുളം – കോമ്പാറ മാര്‍ക്കറ്റ് റോഡില്‍ കഴിഞ്ഞ ദിവസം രാവിലെയായിരുന്നു അപകടം.
കേബിള്‍ കുടുങ്ങി സ്കൂട്ടറില്‍ നിന്ന് റോഡിലേയ്ക്ക് തെറിച്ചു വീണ കലൂര്‍ കറുകപ്പിള്ളി സ്വദേശി മുഹമ്മദ് ഇര്‍ഫാന്റെ (20) ഇടുപ്പെല്ലിന് ഗുരുതരമായി പരിക്കേറ്റിട്ടുണ്ട്. ഇയാള്‍ സ്വകാര്യ ആശുപത്രിയില്‍ ചികിത്സയിലാണ്.
റോഡില്‍ കുറുകെ കേബിള്‍ അലക്ഷ്യമായി കിടന്നതാണ് അപകടത്തിന് കാരണമെന്നാണ് പരാതി. സംഭവത്തില്‍ ഇര്‍ഫാന്റെ കുടുംബം എറണാകുളം സെൻട്രല്‍ പോലീസ് സ്റ്റേഷനില്‍ പരാതി നല്‍കി.
