ഇരിങ്ങാലക്കുട: ഡോണ് ബോസ്കോ വജ്രജൂബിലി മെമ്മോറിയല് പുരുഷന്മാരുടെ ബാസ്ക്കറ്റ് ബോള് ടൂര്ണമെന്റ് ഫൈനലില് കേരളാ പോലീസ് ജേതാക്കളായി. ഇരിങ്ങാലക്കുട ഡോണ് ബോസ്കോ എച്ച്എസ്എസ് ഇന്ഡോര് സ്റ്റേഡിയത്തില് നടന്ന കലാശപ്പോരാട്ടത്തില് 81-66ന് കേരളാ സ്റ്റേറ്റ് ഇലക്ട്രിസിറ്റി ബോര്ഡിനെ പരാജയപ്പെടുത്തിക്കൊണ്ട് ഫാ.തോമസ് പുരിയാടം ട്രോഫി സ്വന്തമാക്കി.
ആവേശകരമായ ഫൈനലില്, രണ്ടാം പകുതിയില് ആന്റണി ജോണ്സണിന്റെയും പ്രേം പ്രകാശിന്റെയും ഉജ്ജ്വല പ്രകടനമാണ് കേരള പോലീസിന് കപ്പടിക്കാന് പോന്ന വിജയം സമ്മാനിച്ചത്. ഇടവേള പിരിയുമ്പോള് 37-43ന് പിന്നിലായിരുന്നു കേരള പോലീസ്. പ്രേം പ്രകാശ് 23 പോയിന്റുമായി കേരള പോലീസിന്റെ ടോപ് സ്കോററായ മത്സരത്തില് 20 പോയിന്റുമായി ആന്റണി ജോണ്സണും മികച്ചു നിന്നു. കെഎസ്ഇബി താരം സെജിന് മാത്യുവിന് പ്രതീക്ഷയ്ക്കൊത്ത് ഉയരാന് കഴിയാതെ പോയ മത്സരത്തില് 16 പോയിന്റ് സംഭാവന ചെയ്ത ഗ്രിഗോ മാത്യു ടീം ടോപ് സ്കോററായി.
ഡോണ് ബോസ്കോ ഡയമണ്ട് ജൂബിലി ട്രോഫി കേരള പോലീസിന്
ഫാ.തോമസ് പുരിയാടം ട്രോഫിയുമായി കേരള പോലീസ് ബാസ്കറ്റ് ബോള് ടീം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.