ചെന്നൈ: തമിഴ്നാട്ടില് ബിജെപിയുടെ വളര്ച്ചയ്ക്കുള്ള പ്രധാനകാരണമായി ഉദയനിധി സ്റ്റാലിന് മാറിയെന്ന് അണ്ണാമലൈ. സെപ്തംബര് 11ന് സനാതനധര്മ്മത്തെ ഉന്മൂലനം ചെയ്യണമെന്ന പ്രസ്താവന ഉദയനിധി സ്റ്റാലിന് നടത്തിയത് ബിജെപിയ്ക്ക് തമിഴ്നാട്ടില് വലിയ വളര്ച്ചയുണ്ടാക്കുന്നു. മുന് മുഖ്യമന്ത്രി കരുണാനിധിയുടെ നേതൃത്വത്തില് ഒരിയ്ക്കലും ഇങ്ങിനെ ഒന്ന് സംഭവിക്കില്ലെന്നും അണ്ണാമലൈ പറഞ്ഞു.
ഡിഎംകെയുടെ ഭാഗത്ത് നിന്നും ഒരു വലിയ വീഴ്ചയുണ്ടായി. എപ്പോഴും ഇതുപോലുള്ള വീഴ്ചകളില് നിന്നും വിടവുകളില് നിന്നുമാണ് പുതിയ പാര്ട്ടി വളരുക. ഡിഎംകെ ബിജെപിയുടെ വളര്ച്ചയ്ക്ക് വാതില് തുറന്നിട്ടിരിക്കുകയാണ്. – അണ്ണാമലൈ പറഞ്ഞു.
രാഹുല് ഗാന്ധി വടക്കേയിന്ത്യയിലെ പപ്പുവാണെങ്കില് തെക്കേയിന്ത്യയിലെ പപ്പുവായി ഉദനനിധി സ്റ്റാലിന് മാറിയെന്നും അണ്ണാമലൈ പറഞ്ഞു.
